តារា
ភឿន ជីវ៉ា ហៅស្រីអូន បង្ហើបថា នាងមានគូហើយ
រាជធានីភ្នំពេញ ៖ កញ្ញាភឿន ជីវ៉ា ហៅស្រីអូន ជាអ្នកចំរៀងមួយរូបប្រចាំនៅភោជនីយដ្ឋានតន្ត្រីពីរ៉ាមីត ។ នាងនិយមចូលចិត្តច្រៀងបទសម័យទំនើបចំរុះ គឺច្រៀងទាំងបទ
មនោ សញ្ចេតនា និងបទឌីស្កូញ័រញាក់កន្ត្រាក់ អារម្មណ៍ ។ ដោយសារតែមាននិស្ស័យស្រឡាញ់ចូលចិត្ត សិល្បៈតាំងពីកុមារភាពមក នៅឆ្នាំ២០០៣ ស្រីអូនបានចូលហាត់រៀនច្រៀងនៅក្នុងក្លឹបសិល្បៈមួយ ហើយពេលចេះច្រៀងស្ទាត់នាងបានចាប់អាជីពជាអ្នកចំរៀងនៅក្នុងភោជ នីយដ្ឋានក្នុងទីក្រុងភ្នំពេញ ។ នាងកន្លងមកតែងតែមានកិត្តិយសឡើងច្រៀងនៅលើឆាកប្រគំតន្រ្តីចុង សបា្តហ៍តាមស្ថានីយទូរទស្សន៍មួយចំនួនដូចជាកម្មវិធីប៊ូម ប៊ូម ប៉ុសិ៍្តលេខ៣ និងថ្មីៗនេះនៅក្នុងកម្មវិធីតន្ត្រីដួងតារាមាសប៉ុសិ៍្តអប្សរានាង ជ្រើសរើសបទ ប្រពន្ធអ្នកណាផ្ញើទឹកភ្នែកមក និងបទ លុយបងមានទេ មកច្រៀង ។
កញ្ញាស្រីអូននិយាយថា រយៈពេលប៉ុន្មានឆ្នាំមកនេះទោះបីនាងមិនបានថតសំលេងចូលស៊ីឌី និងពុំមានកេរិ៍្តឈ្មោះល្បីក៏ដោយក៏នាងមានចិត្តសប្បាយរីករាយណាស់ ដោយបានក្លាយជាអ្នកចំរៀងអាជីពដូចបំណងប្រាថ្នារបស់នាងតាំងពី កុមារភាពមក ។ អ្នកចំរៀងអាយុ២២ឆ្នាំរូបនេះ មានស្រុកកំណើតនៅទីក្រុងភ្នំពេញ ក្នុងសង្កាត់បឹងព្រលិត ខណ្ឌ៧មករា ។ នាងមានបងប្អូនស្រី៣នាក់ ក្នុងនោះនាងជាកូនច្បង ។ ទាក់ទងនឹងជីវិតស្នេហាស្រីអូនបាននិយាយមិនលាក់លៀមថា សព្វថ្ងៃ នាងមានគូស្នេហ៍ហើយ តែមិនទាន់រៀបការនៅឡើយទេ ។ ទោះជាយ៉ាងណាក្តី នាងសុំលាក់អត្តសញ្ញាណគូស្នេហ៍របស់នាង ៕
http://kohsantepheapdaily.com.kh/art...17-191824.html
Tags:
តារា ដែលមើលច្រើន
