ព្រឹត្តិការណ៍ដ៏កក្រើកពិភពលោកនៃការប្រគុំតន្រ្ដី Dream Concert 2020 ប្រកាសសមាសភាពតារា ដែលត្រូវចូលរួម
ទស្សនិកជន ដែលជា Fan របស់តារាកូរ៉េ ប្រាកដជាទន្ទឹងរង់ចាំវត្ដមាននៃការសម្ដែងរបស់តារាទាំងនោះជាមិនខាន ។ ប៉ុន្ដែការរង់ចាំនោះ មិនធ្វើឱ្យទស្សនិកជនខកបំណងឡើយ ដោយសារតែការប្រគុំតន្រ្ដីក្តីសុបិនឆ្នាំ ២០២០ ដ៏ធំរបស់កូរ៉េ ដែលមានឈ្មោះថា “CONNECT:D” បានប្រកាសសមាសភាពតារាចម្រៀង ដែលចូលរួមច្រៀង រាំ និងសម្ដែង នៅក្នុងព្រឹត្ដិការណ៍នោះ ។
ការប្រគុំតន្រ្ដីក្ដីសុបិនដ(Dream Concert) លើកទី ២៦ នៅឆ្នាំនេះ ត្រូវបានកំណត់ធ្វើឡើង តាមប្រព័ន្ធអនឡាញជាលើកដំបូង ដើម្បីផ្ដល់ក្ដីសង្ឃឹម និងលើកទឹកចិត្តដល់អ្នកគាំទ្រតារា K-pop ជាសកល អំឡុងការរីករាលដាលជំងឺខូវីដ១៩ ។
សិល្បករ និងសិល្បការិនី ដែលនឹងត្រូវចូលរួមសម្ដែងគឺមានដូចជា EXO-SC, Red Velvet, Red Velvet – Irene & Seulgi, Oh My Girl, ASTRO, Golden Child, South Club, Kim Jae Hwan, AB6IX, ONEUS, និង CIX សម្រាប់ថ្ងៃទី១ ខណៈដែល MAMAMOO, Lovelyz, WJSN, Ha Sung Woon, Weki Meki, Jeong Sewoon, The Boyz, Stray Kids, ITZY, Rocket Punch, និង CRAVITY នឹងសម្ដែងនៅថ្ងៃទី ២ ។
ព្រឹត្ដិការណ៍នេះ នឹងប្រព្រឹត្ដទៅ នៅថ្ងៃទី ២៥ និង ២៦ ខែកក្កដា វេលាម៉ោង ៩យប់ ម៉ោងនៅប្រទេសកូរ៉េ ទាំងពីរថ្ងៃ និងផ្សាយបន្ដផ្ទាល់ជុំវិញពិភពលោក នៅលើឆាណែលយូធូប K-pop ។ បច្ចេកវិទ្យាពិសេសដូចជា ប្រព័ន្ធសម្លេង VR, EX-3D និងកាំម៉េរ៉ាជាច្រើន នឹងត្រូវប្រើដើម្បីផ្ដល់ជូនអ្នកគាំទ្រជុំវិញពិភពលោកនូវបទពិសោធន៍នៃការប្រគុំតន្រ្ដីដូចពិត។ សំបុត្រទស្សនាទាំងពីរថ្ងៃ នឹងមានតម្លៃ ៥,៥០០ វ៉ុន (ប្រហែល $4.6) ៕
ប្រែសម្រួល៖ សារ៉ាត
ប្រភព៖ soompi
កំសាន្ត ដែលមើលច្រើន
