គូស្នេហ៍មួយគូឡើងផ្ទះសំណាក់ញឹកញាប់ជាមួយគ្នា ដើម្បីយកកន្លែងដោះដូរគ្រឿងញៀនត្រូវសមត្ថកិច្ចក្របួច
(ពោធិ៍សាត់)៖ កម្លាំងនគរបាលក្រុងពោធិ៍សាត់ និងកម្លាំងប៉ុស្តិ៍ផ្ទះព្រៃ សហការជាមួយកម្លាំងអាវុធហត្ថក្រុង ក្រោមការសម្របសម្រួលពីលោក ឡុង ជាប ព្រះរាជអាជ្ញារង អមសាលាដំបូងខេត្ត បានធ្វើការឃាត់ខ្លួនគូស្នេហ៍មួយគូ ជាប់ពាក់ព័ន្ធករណីជួញដូរ និងរក្សាទុកខុសច្បាប់សារធាតុញៀន។
លោកវរសេនីយ៍ត្រី យឹម ស៊ាងហៃ អធិការរងនគរបាលក្រុងពោធិ៍សាត់ បានប្រាប់ភ្នាក់ងារ Fresh News ឲ្យដឹងនៅព្រឹកថ្ងៃទី១៦ ខែតុលានេះថា ប្រតិបត្តិការបង្ក្រាបនេះ ធ្វើឡើងនៅថ្ងៃទី១៥ ខែតុលា ឆ្នាំ២០១៦ នៅចំណុចបន្ទប់លេខ២០៦ ក្នុងសណ្ឋាគារវិមានទិព្វ ស្ថិតក្នុងភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។ ជនសង្ស័យដែលឃាត់ខ្លួន មានឈ្មោះ ១-ម៉ុល គឹមសេង ភេទប្រុស អាយុ ២៩ឆ្នាំ មានទីលំនៅមិនពិតប្រាកដ ២-សៅ ស្រីនិច ភេទស្រី អាយុ ២០ឆ្នាំ រស់នៅភូមិដង្គារ សង្កាត់ផ្ទះព្រៃ ក្រុងពោធិ៍សាត់។
លោកអធិការរងបានបន្តថា មុននឹងឈានដល់ការបង្ក្រាបជនសង្ស័យទាំង២នាក់គូស្នេហ៍ខាងលើនេះ កម្លាំងរបស់លោកបានតាមដាន ជាយូរណាស់មកហើយ ពោលគឺគ្មានភស្តុតាងដើម្បីដាក់បន្ទុក។ លោកបញ្ជាក់ថា ក្នុងប្រតិបត្តិការនេះ កម្លាំងជំនាញដកហូតបាន ថ្នាំញៀនប្រភេទម្សៅក្រាមពណ៌ស ១១.០៦ក្រាម, ទូរស័ព្ទ២គ្រឿង និងសម្ភារៈប្រើប្រាស់មួយចំនួនទៀត។
បច្ចុប្បន្នជនសង្ស័យ ទាំង២នាក់គូស្នេហ៍ ត្រូវបានកម្លាំងការិយាល័យ នគរបាលប្រឆាំងគ្រៀងញៀន កំពុងរៀបចំ និងកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)