CamNews

តាមព័ត៌មានក្នុងគេហទំព័រ X17៖ �Brad Pitt និង Angelina Jolie កំពុងធ្វើសាថ្មី​ឡើង​វិញ
វិមាន​របស់​ខ្លូន ពីព្រោះ​គេ​ចង់​វៀបចំ​កម្មវិធីអាពាហ៍ពិពាហ៍នៅទីនេះ។ វិមានត្រូវធ្វើអោយ មានភាពទំនើប។ ប្រជាជននៅទីនេះ​កំពុងជជែកអំពីការរៀបចំពិធីអាពាហ៍ពិពាហ៍របស់
តារាភាពយន្តមួយគូរនេះ​នៅ សរទរដូវ ខាងមុខនេះ។�
ប្រទេសបារាំងត្រូវបាននិយាយថាជាកន្លែងល្អវិសេសសំរាប់រៀបអាពាហ៍ពិពាហ៍។ ជាពិសេស​ទីកន្លែងនេះក៏គឺជាទីកន្លែងកំណើតរបស់កូនភ្លោះ Vivienne និង Knox នៅឆ្នាំ 2008។

វិមានតំលៃ 60 លានដុល្លារបស់ Jolie-Pitt នេះមាន 35បន្ទប់គេង ដែលត្រូវបានកសាងឡើង​
តាំងពីទសវត្សន៍ទី 16 ពីថ្មបុរាណនៅតំបន់ភាគខាងត្បូងនៃប្រទេសបារាំង។ ការកសាងឡើង​វិញ នូវវិមាននេះ ត្រូវមានការអនុញ្ញាតិពីសំណាក់រដ្ឋាភិបាលទៀត ពីព្រោះសួនច្បារនេះត្រូវបាន​ ដាក់​ចូលក្នុង​បញ្ជាបេតកភណ្ឌប្រវត្តិសាស្រ្ត។

ប៉ុន្តែក៏មានបញ្ហាមួយទៀតដែល Brad និង Angelina ខ្វល់ចិត្ត គឺការសាងសង់ព្រលានយន្ត
ហោះសំរាប់ឧទ្ធម្ភាគចក្រ។ Brad និង Angelina​ ក៏ធ្លាប់ត្រូវគេវិះគន់​ដោយការប្តូរសួនច្បារ​នេះ
ក្លាយទៅជាព្រលានយន្តហោះ ដែលមាទំហំ 300 ha នេះ។ ប្រភពព័ត៌មានមួយបានឲ្យដឹង
ថា៖ គូរតារា​នេះចង់សាងសង់ព្រលានយន្តហោះសំរាប់ឧទ្ធម្ភាគចក្ររបស់ខ្លូន ពីព្រោះ នៅ
តំបន់នេះ មានការពិបាកក្នុងការធ្វើដំណើរតាមរថយន្ត។ វិមាននេះស្ថិតនៅលើខ្នងភ្នំ ជុំវិញគឺ​
វា​លស្រែ Brad Pitt និង Angelina Jolie មិនមានពេលទំនេរដើម្បីបើកបរនៅទីនេះ។ ដូច្នេះ
គេចង់ប្រើប្រាស់ឧទ្ធម្ភាគចក្រដើម្បី​ធ្វើដំណើរឲ្យបានឆាប់រហ័ស។
ក៏ប៉ុន្តែមន្ត្រីមក្នុងស្រុកមិនយល់ព្រម​ទៅនឹងព្រលានយន្តហោះបច្ចុប្បន្នរបស់គេ ដោយសារ
វាស្ថិត​នៅក្នុងតំបន់ត្រូវបានការពារ ដូច្នេះអាជ្ញាធរក្នុងស្រុកចង់អោយគេស្វែងរក កន្លែងផ្សេងណាវិញ។

អំពីផែនការរៀបអាពាហ៍ពិពាហ៍នេះ Brad និង Angelina ធ្លាប់មានប្រសាសន៍ថា គេនឹង​មិនគិត​
ដល់រឿងអាពាហ៍អាពាហ៍ ប្រសិនបើអាពាហ៍ពិពាហ៍របស់អ្នកមានភេដូចគ្នា មិនបាន​អនុញ្ញាតិ​
ជាផ្លូវការ។ នាឆ្នាំ 2006 Brad បានសំណះសំណាងលើ ទស្សនាវដ្តី Esquireថា៖ �Angie និងខ្ញុំ
នឹងគិតដល់រឿងអាពាហ៍ពិពាហ៍ ប្រសិនបើ មនុស្សនៅក្នុងទូទាំងពិភពលោកនេះ អាចធ្វើ​
អាពាពិហ៍ពាហ៍គ្រប់ៗគ្នា�។
អាពាហ៍ពិពាហ៍អ្នកមានភេទដូចគ្នាអាចធ្វើបាននៅ California ប៉ុន្តែប្រហែលត្រូវចាំយូរណាស់
វាទើបនឹងបានអនុញ្ញាតិជាផ្លូវការក្នុងរដ្ឋទាំង 50។ Brad និង Angelina ប្រហែលមិនអាចរង់ចាំ​ដល់ពេលនោះទេ ប្រសិនបើគេចង់ ឮកូនទាំង ៦ មាននាមត្រកូលជាJolie-Pitt។

(ដោយ៖ មិនា)