តុលាការ ជំនុំជម្រះ ករណី បុរសជាប់ចោទ ២នាក់ លក់គ្រឿងញៀន ជាង១គីឡួក្រាម ឲ្យភ្នាក់ងារ ប្រឆាំងគ្រឿងញៀន
ភ្នំពេញ៖ បុរសជាប់ចោទ ចំនួន២នាក់ ក្នុងនោះ ម្នាក់គឺជាអ្នកបកប្រែ ភាសាចិន និង ម្នាក់ទៀត ជាអ្នក ចិញ្ចឹមមាន់លក់ កាលពីព្រឹកថ្ងៃអង្គារ៍ ទី ២១ ខែមេសា ឆ្នាំ ២០១៥នេះ ត្រូវបាន សាលាដំបូង រាជធានីភ្នំពេញ បើកសវនាការជំនុំជម្រះ និង កាត់ទោស ពីបទ «ជួញដូរគ្រឿងញៀន» ជាង ១គីឡូក្រាម ដែលប្រព្រឹត្តនៅ ក្នុងចំណុច ផ្ទះជួលមួយកន្លែង ស្ថិតនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីឆ្នាំមុន។
លោកឆែ វីរៈ ប្រធានក្រុមប្រឹក្សាចៅក្រមជំនុំជម្រះ នៃ សាលាដំបូងរាជធានីភ្នំពេញ បានឲ្យដឹងថា ជនជាប់ចោទ ទាំង២នាក់នេះ មានឈ្មោះ ទី ១- រស់ សំអាត ភេទប្រុស អាយុ ៥០ឆ្នាំ រស់នៅ ក្នុងចំណុចទីតាំងខាងលើ និង ទី២-ឈ្មោះ សេង មៀន ភេទប្រុស អាយុ៣០ ឆ្នាំ រស់នៅ សង្កាត់ប៉ោយប៉ែត សង្កាត់ប៉ោយប៉ែត ខេត្តបន្ទាយ មានជ័យ។
ជនជាប់ទាំង២នាក់នេះ ត្រូវបានចោទប្រកាន់ ពីតំណាងអយ្យការ បទ«ជួញដូរដោយខុសច្បាប់ នូវសារធាតុ ញៀន» និងត្រូវបានចាប់ខ្លួន ដោយសមត្ថកិច្ច នគរបាល មន្ទីរប្រឆាំងគ្រឿងញៀនក្រសួង មហាផ្ទៃ កាលពីថ្ងៃទី២៨ ខែសីហា ឆ្នាំ ២០១៤ នៅចំណុច ផ្ទះជួល មួយកន្លែង ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ ក្រោយឃាត់ខ្លួន សមត្ថកិច្ចនគរបាលប្រឆាំងគ្រឿងញៀន ដកហូត បានថ្នាំញៀនប្រភេទមេតំហ្វីតាមីន ចំនូនជាង ១ គីឡូក្រាមពីពួកគេ។
សាលាដំបូងរាជធានីភ្នំពេញនឹងប្រកាសសាលក្រម លើសំណុំរឿងក្តីនេះនៅថ្ងៃទី ៤ ខែឧសភា ឆ្នាំ ២០១៥ ខាងមុខនេះ៕
ផ្ដល់សិទ្ធដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)