ភ្នំពេញ ៖ រឿងដ៏សែនភ្ញាក់ផ្អើលមួយបានកើតឡើងនៅវេលាម៉ោង១២ និង៤៥នាទីរំលងអាធ្រាត្រនៅចំណុចមុខមន្ទីរពេទ្យកុមារជាតិ តាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ទឹកល្អក់១ ខណ្ឌទួលគោក ដោយសារតែទូម៉ាស៊ីន ATM របស់ធនាគារកាណាឌីយ៉ាមួយកន្លែង ត្រូវបានផ្ទុះសង្ស័យមានមនុស្សមកលួចដាក់គ្រាប់បែកបំផ្ទុះ
ប្រភពពីសន្តិសុខក្នុងមន្ទីរពេទ្យ បានឲ្យដឹងថានៅវេលាម៉ោងខាងលើមិនមាននរណាម្នាក់ឃើញហេតុនេះច្បាស់នោះទេដោយគ្រាន់តែឮសូរលាន់ផ្ទុះដូចគ្រាប់បែក ។
ក្រោយកើតហេតុសមត្ថកិច្ចខណ្ឌបានចុះទៅដល់កន្លែងកើតហេតុយកខ្សែហ៊ុំព័ទ្ធការពារកន្លែងកើតហេតុ ចាំព្រឹករង់ចាំផ្នែកជំនាញពិនិត្យកោស្យលវិច្ឆ័យរាជធានីភ្នំពេញចុះមកពិនិត្យ ៕
ដោយ ៖ គន្ធា