ក្រសួងទេសចរណ៍៖ ភ្ញៀវទេសចរ១ម៉ឺន៥ពាន់នាក់ ចូលទស្សនាព្រះអាទិត្យរះចំកំពូលប្រាសាទអង្គរ នៅព្រឹកមិញនេះ
(ភ្នំពេញ)៖ លោក ទិត ចន្ថា រដ្ឋមន្រ្តីស្ដីទីក្រសួងទេសចរណ៍ នៅមុននេះបន្តិច បានប្រាក់អង្គភាព Fresh News ថា ក្នុងព្រឹត្តការណ៍ ព្រះអាទិត្យរះចំពីលើកំពូលប្រាសាទអង្គរវត្ត (EQUINOX) នៅព្រឹកមិញនេះ មានភ្ញៀវទេសចរចូលទស្សនា ប្រមាណ ១៥,០០០នាក់ ក្នុងនោះមានភ្ញៀវជាតិ ១១,៥០០នាក់ និងភ្ញៀវអន្តរជាតិមាន ៣,៥០០នាក់ផងដែរ។
ការចូលរួមក្នុងព្រឹត្តិការណ៍ ព្រះអាទិត្យរះចំពីលើកំពូលប្រាសាទអង្គរវត្ត នៅលើកនេះ ត្រូវបានលោក ទិត ចន្ថា បានអះអាងថា មានការចូលរួមច្រើនជាងលើកមុនៗ គួរឱ្យកត់សម្គាល់។
លោករដ្ឋមន្រ្តីស្ដីទី បានបន្តថា ព្រឹត្តិការណ៍ព្រះអាទិត្យរះចំកណ្តាល នៃកំពូលប្រាង្គប្រសាទអង្គរវត្ត នៅព្រឹកថ្ងៃទី២៣ ខែកញ្ញា ឆ្នាំ២០១៦នេះ ភ្ញៀវទេសចរជាតិ និងអន្តរជាតិបានរួសរាន់មកចាំទស្សនា តាំងពីព្រលឹមស្រាងៗមកម្ល៉េះ ដើម្បីចាំមើលឱ្យឃើញផ្ទាល់ភ្នែក និងផ្ដិតយករូបភាពដ៏អច្ឆរិយៈនេះផងដែរ។ ជាមួយគ្នានេះ ការចូលរួមទស្សនា ប្រព្រឹត្តទៅដោយមានរបៀបរៀបរយ គ្មានបញ្ហាប៉ះពារគ្នាអ្វីឡើយ ភ្ញៀវទេសចរទាំងអស់មានភាពសប្បាយរីករាយ និងមានការភ្ញាក់ផ្អើលជាខ្លាំង នៅពេលបានឃើញបាតុភូតដ៏មហស្ចារ្យនេះ។
សូមជម្រាបថា បាតុភូតព្រះអាទិត្យរះចំពីលើកំពូលប្រាសាទអង្គរវត្តនេះ កើតឡើងចំនួន២ដងក្នុងមួយឆ្នាំ លើកទី១ក្នុងខែមីនា និងលើកទី២ក្នុងខែកញ្ញានេះ៕
ផ្តល់សិទ្ធិដោយ ៖ ហ្រ្វេសញ៉ូវអាសុី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)