វីដេអូពាណិជ្ជកម្មរបស់ក្រុមហ៊ុន Audi ទទួលការរិះគន់ ពីការប្រៀបធៀបស្រ្តី ទៅឡានមួយទឹក
ក្រុមហ៊ុន Audi បានទទួលការរិះគន់យ៉ាងខ្លាំង ក្រោយពេលដែលបញ្ចេញនូវវីដេអូពាណិជ្ជកម្មរបស់ខ្លួន ដោយប្រៀបធៀបស្រ្តី ទៅនឹងឡានដែលបានប្រើប្រាស់រួច។
នៅក្នុងវីដេអូមួយនេះ បានបង្ហាញពីកូនក្រមុំកំពុងរៀបការ ដែលត្រូវបានម្តាយក្មេកត្រួតពិនិត្យ ដែលការធ្វើបែបនោះបានបង្ហាញពីការមើលងាយស្រ្តីយ៉ាងខ្លាំង។ កំឡុងពេលដែលម្តាយក្មេកបានត្រួតពិនិត្យ វីដេអូនោះក៏កាត់ចេញ Clip វីដេអូឡាន អមដោយសម្លេងបន្ទរពីលើ «ការសម្រេចចិត្តដ៏សំខាន់ ត្រូវធ្វើឡើងដោយប្រុងប្រយ័ត្នបំផុត»។
វីដេអូពាណិជ្ជកម្មនេះ ត្រូវបានអ្នកទស្សនារិះគន់ថា គួរឲ្យខ្ពើម និងរើសអើងមែនទែន។ អ្នកខ្លះទៀតបាននិយាយថា នឹងឈប់ទិញ ឬប្រើប្រាស់ឡាន Audi ទៀតផង។
មកទល់នឹងពេលនេះ ក្រុមហ៊ុន Audi ក៏បានចេញមុខសុំទោស ហើយវីដេអូពាណិជ្ជកម្មនេះកំពុងត្រូវបានគេធ្វើការសើបអង្កេត។ វាគឺជាកំហុសផ្នែកទីផ្សារ ដែលអាចធ្វើឲ្យបាត់បង់អតិថិជនចិន ស្របពេលដែលប្រជាជនចិននឹងប្រើប្រាស់ឡានម៉ាកដទៃផ្សេងទៀត ចាប់ពីពេលនេះតទៅ ៕
ប្រែសម្រួល៖ High
ប្រភព៖ Koreaboo
តារា ដែលមើលច្រើន
