រយៈពេល ២ម៉ោង ទឹកទន្លេធម្មតា ប្រែទៅជាទន្លេឈាម ដ៏ចម្លែក
ផ្លូវទឹកមួយនៅក្នុងទីក្រុង Wenzhou ភាគខាងកើតនៃប្រទេសចិន ត្រូវបានគេរកឃើញថា ត្រូវបាន
លិចទឹកអស់ដោយសារតែការហូរចូលនៃទឹកដែលមានពណ៌ដូចជាឈាមដ៏ចម្លែកត្រឹមតែ ២ម៉ោង
ប៉ុណ្ណោះ ទឹកទន្លេនេះ បានប្រែពណ៌ទៅជាពណ៌ឈាម។
អ្នកស្រុករស់នៅក្នុងតំបន់ខាងលើ បាននិយាយថា ទន្លេនេះគឺមានទឹកពណ៌ធម្មតា នៅម៉ោង៤ ព្រឹក
ប៉ុន្តែ វាបានចាប់ផ្តើមប្រែពណ៌ទៅជាពណ៌ដូចឈាម នៅម៉ោង ៦ ព្រឹក ដែលមានរយៈដ៏ខ្លីមិនគួរឱ្យ
ជឿ។
អ្នកភូមិម្នាក់ដែលបានរស់នៅស្ទើរតែពេញមួយជីវិតរបស់គាត់ នៅជិតទន្លេនេះ បានបញ្ជាក់ឱ្យ
ដឹងថា ព្រឹត្តិការណ៍ដ៏ចម្លែកនេះមិនធ្លាប់កើតឡើងពីមុនទេ។ គាត់ បានរៀបរាប់បន្ថែមទៀតថា
ហើយនៅជុំវិញតំបន់នេះ ក៏មិនមានរោងចក្រគីមីណាមួយ នៅតាមបណ្តោយចរន្តទឹកខាងលើដែរ។
អធិការ មកពីការិយាល័យការពារបរិស្ថាន នៅក្នុងទីក្រុង Wenzhou បានយកទឹកនេះ ដើម្បីធ្វើការ
ការវិភាគពីមូលហេតុនៃឧបទ្ទវហេតុដ៏ចម្លែកនេះ។ សូមបញ្ជាក់ផងដែរថា ទីក្រុង Wenzhou គឺជាទី
ក្រុងដ៏ល្បីល្បាញ ក្នុងខេត្ត Zhejiang ភាគខាងកើត របស់ប្រទេសចិន។ ជាតំបន់ដ៏ស្រស់ស្អាត
ដែលហ៊ុំព័ទ្ធដោយភ្នំ និងមួយចំហៀងទល់មុខនឹងមហាសមុទ្រប៉ាស៊ីហ្វិក ជាកន្លែងដែលមានទីតាំង
ល្អបំផុត សម្រាប់ធ្វើឧស្សាកម្ម៕
ប្រែសម្រួលដោយ៖ វណ្ណៈ
ប្រភព៖ chinadaily
- តំបន់ទេសចរណ៍ ដ៏ទាក់ទាញ ទឹកជ្រោះកាទៀង (31/07/2014 14:32:00)
- ទេសចរណ៍ធម្មជាតិ ដ៏ស្រស់ស្អាត សម្បូរដោយទស្សនីយភាព ដ៏ទាក់ទាញ (29/07/2014 11:15:00)
- ប្រាសាទបុរាណខ្មែរ ដ៏អច្ឆរិយ ស្រស់ស្អាតបំផុត មានប្រវែង ៤១២ម៉ែត្រ (28/07/2014 09:44:00)
- ស្ពានអាកាសធ្វើពីខ្សែកាប ដ៏រន្ធត់ មានកម្ពស់ ២,៦៥១ ម៉ែត្រ (25/07/2014 09:07:00)
- ទឹកធ្លាក់ធម្មជាតិ ដ៏ចម្លែក មានរាងដូចផ្លែផ្សិត ពោរពេញដោយទិដ្ឋភាព ដ៏ស្រស់ស្អាត (24/07/2014 09:09:00)
- ជណ្តើរឋានសួគ៌ ដ៏អច្ឆរិយ មានកម្ពស់ខ្ពស់ សាងសង់ជាប់ជញ្ជាំងភ្នំ (23/07/2014 09:54:00)
- រមណីយដ្ឋានធម្មជាតិ ដ៏ទាក់ទាញ កោះខ្សាច់ (22/07/2014 09:43:00)
- ឆ្នេរខ្សាច់ធម្មជាតិ ដ៏ស្រស់ស្អាត ពោរពេញទៅដោយ ទិដ្ឋភាពដ៏រ៉ូម៉ែនទិច (21/07/2014 11:27:00)
- រមណីយដ្ឋានធម្មជាតិ ដ៏ទាក់ទាញ ពោរពេញដោយទេសភាព ដ៏ស្រស់ត្រកាល បារាយណ៍អណ្តែត (10/07/2014 10:21:00)
- កោះឋានសួគ៌ដ៏ប្រណិត ពោរពេញទៅដោយទេសភាពប្លែក ទាក់ភ្នែក (08/07/2014 10:38:00)