កំសាន្ត
ផលិតករភាពយន្ដអ្នកនាង Anne Thongprasom បង្ហើបឱ្យដឹងខ្លះៗពីសាច់រឿងថ្មីរឿង“Kue Thur”
អ្នកនាង Anne Thongprasom ផលិតករភាពយន្ដប្រចាំនៅផលិតកម្ម Thong បានបង្ហើបព័ត៌មានបន្ថែមអំពីខ្សែភាពយន្ដថ្មីរឿង “Kue Thur”។
នៅក្នុងកម្មវិធីផ្សាយបន្ដផ្ទាល់របស់ស្ថានីយ៍ទូរទស្សន៍ Thai TV3 អ្នកនាង Anne Thongprasom បាននិយាយថា ខ្សែភាពយន្ដដែលនឹងចាក់បញ្ចាំងនៅលើកញ្ចក់ទូរទស្សន៍ ក្នុងពេលខាងមុខនេះ គឺជាសាច់រឿងមនោសញ្ចេតនា និងស្នេហា ដោយបង្ហាញអំពីតួឯកប្រុស និងតួឯកស្រី ដែលជួបគ្នា និងស្រឡាញ់គ្នា ។
នៅក្នុងខ្សែភាពយន្ដភាគនេះ លោក Mario Maurer នឹងសម្ដែងជាតួឯក ដែលធ្វើការជាជាងជួសជុលរថយន្ដ ។ ម្យ៉ាងទៀត លោកក៏សម្ដែងជាថៅកែយានដ្ឋានផងដែរ ។
អ្នកនាង Anne Thongprasom បានបញ្ជាក់ថា ខ្សែភាពយន្ដថ្មីរឿង “Kue Thur” នេះ គឺជាទឹកដៃនិពន្ធថ្មី ពុំមែនជាភាពយន្ដ ដកស្រង់ពីប្រលោមលោកឡើយ ៕
ប្រែសម្រួល៖ សារ៉ាត
ប្រភព៖ Thaiupdate
កំសាន្ត ដែលមើលច្រើន
