ជប៉ុនគ្រោងនឹងផ្តល់ជំនួយបើកវិទ្យាស្ថានបណ្តុះបណ្តាលសេវាថែទាំមនុស្សចាស់
នៅព្រឹកថ្ងៃព្រហស្បតិ៍ ២កើត ខែបុស្ស នព្វស័ក ព.ស២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានទទួលជួបលោក Kondo Yoshio ប្រធានក្រុមហ៊ុន Procast (CAMBODIA) Co., Ltd. ដើម្បីពិភាក្សាពីការបង្កើតវិទ្យាស្ថានបណ្តុះបណ្តាលសេវាថែទាំមនុស្សចាស់ និងការបញ្ជូនកម្មសិក្សាការីទៅបម្រើការងារនៅប្រទេសជប៉ុន នាទីស្តីការក្រសួង។
គម្រោងនេះ បានចំណាយទឹកប្រាក់ប្រមាណ ៣លានដុល្លារដើម្បីសាងសងវិទ្យាស្ថាននេះឲ្យលេចចេញជារូបរាងនៅក្នុងខែ មេសា ដោយមានទីតាំងស្ថិតនៅក្នុងខណ្ឌសែនសុខ។
លោក Kondo Yoshio បានជម្រាបថា លោកនឹងផ្តល់អាហារូបករណ៍ដលើគិលានុប្បដ្ឋាកយិកាចំនួន ១៨០នាក់ដើម្បីទៅទទួលការបណ្តុះបណ្តាលរយៈពេល២ឆ្នាំជាភាសាជប៉ុន ដោយមានជំនាញផ្នែកចិត្តវិទ្យាក្នុងការថែទាំមនុស្សចាស់ និងការសង្គ្រោះបឋមជាដើម ចំពោះគ្រូបណ្តុះបណ្តាល សុទ្ធតែជាគ្រូជនជាតិជប៉ុន។
លោកបានបន្ថែមទៀតថា បន្ទាប់ពីទទួលបានការបណ្តុះបណ្តាលរយៈពេលពី ៦ខែទៅ១ឆ្នាំ សិក្ខាកាមដែលអាចនិយាយភាសាជប៉ុននឹងត្រូវបានបញ្ជូនទៅបម្រើការងារលើសេវាថែទាំមនុស្សចាស់នៅប្រទេសជប៉ុន។
ឯកឧត្តមបណ្ឌិតរដ្ឋមន្ត្រីមានប្រសាសន៍ថា វិទ្យាស្ថាននេះជាថ្នាក់បណ្តុះបណ្តាលសេវាថែទាំមនុស្សចាស់ដំបូងបំផុតនៅកម្ពុជា និងសូមធ្វើការថ្លែងអំណរគុណដល់រដ្ឋាភិបាលជប៉ុនដែលបានជួយគាំទ្រឲ្យមានកម្មវិធីនេះឡើង។
ឯកឧត្តមបណ្ឌិតមានប្រសាសន៍បន្តថា ឥលូវនេះមិនទាន់មានគិលានុបដ្ឋាយិការូបណាបានបញ្ជូនទៅប្រទេសជប៉ុននៅឡើយទេ ពីព្រោះតែពួកគេត្រូវការការបណ្តុះបណ្តាលបន្ថែមទៀត ៕
ប្រែសម្រួល៖ ច័ន្ទ
ប្រភព៖ KhmerTimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)