លោក សុខ ទូច ទៅចូលរួមពិធីបញ្ចុះសព លោក កែម ឡី នៅខេត្តតាកែវ ដោយប្រថុយគ្រោះថ្នាក់
(តាកែវ)៖ លោក សុខ ទូច អ្នកវិភាគនយោបាយនៅកម្ពុជា និងជាសាកលវិទ្យាធិការ នៃសាកលវិទ្យាល័យខេមរៈ នៅថ្ងៃទី២៥ ខែកក្កដា ឆ្នាំ២០១៦ បានចូលរួមក្នុងពិធីបញ្ចុះសព លោក កែម ឡី នៅខេត្តតាកែវ ក្រោយខកខានមិនបាន ទៅចូលរួមពិធិបុណ្យសពនៅវត្តចាស់កន្លងមក។ ការខកខាន មិនបានចូលរួមក្នុងពិធីបុណ្យសព លោក កែម ឡី ពេលកន្លងមកនោះ ត្រូវបានលោកអះអាងថា មានអ្នកកាងសពនៅទីនោះ។
នៅព្រឹកនេះ លោក សុខ ទូច បានធ្វើដំណើរទៅដល់គេហដ្ឋានរបស់ លោក កែម ឡី នៅស្រុកកំណើត ស្ថិតនៅភូមិត្រាំកក់ ខេត្តតាកែវ ដែលជាទីកំណើត និងជាកន្លែងបញ្ចុះសព លោក កែម ឡី។ ខណៈ លោក សុខ ទូច ចូលរួមនៅក្នុងពិធីបញ្ចុះសព នៅខេត្តតាកែវ លោកក៏បាន អុចធូបគោរពវិញ្ញាណក្ខន្ធ លោក បណ្ឌិត កែម ឡី នៅព្រឹកថ្ងៃដដែលផងដែរ។
កាលពីពេលថ្មីៗនេះ លោកបណ្ឌិត សុខ ទូច បានបញ្ជាក់ថា លោកបានទទួលដំណឹងមុន អំពីការប៉ុនប៉ងធ្វើបាបលោកជាថ្មីម្តងទៀត បើសិនជាហ៊ានទៅចូលរួមបុណ្យសព លោកបណ្ឌិត កែម ឡី នៅវត្តចាស់ សង្កាត់ជ្រោយចង្វា ខណ្ឌជ្រោយចង្វា។ ដំណឹងនេះបានធ្វើឱ្យ លោក សុខ ទូច សម្រេចចិត្តថា មិនទៅចូលរួមបុណ្យសព លោកបណ្ឌិត កែម ឡី ដែលមិត្តភ័ក្រ្តស្និទ្ធស្នាលរបស់ លោកនោះទេ ដោយសារបារម្ភអំពីសុវត្ថិភាពផ្ទាល់ខ្លួន។
លោក សុខ ទូច និង លោក កែម ឡី អាចនិយាយបានថា ជាដៃគូវិភាគបញ្ហាសង្គម និងនយោបាយដូចគ្នា៕
ផ្តល់សិទ្ធិដោយ ៖ ហ្រ្វេសញ៉ូវអាសុី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)