តារាសម្តែងហុងកុង Leon Lai ក្លាយជាបុរសដ៏ល្អ ក្នុងសន្តានចិត្តស្រីម្នាក់ ពេលជួយសង្គ្រោះ.
(ចិន)៖ ថ្មីៗនេះ នារីម្នាក់ឈ្មោះ Queenie Mok ដែលជាអតីត ជំនួយការតារាស្រី ហុងកុង Michelle Reis បានប្រាប់សារព័ត៌មានថា នាងពិតជាអរគុណខ្លាំងណាស់ ដល់តារាប្រុស Leon Lai ដែលគេបានជួយជីវិតនាង អស់រយៈពេល២២ឆ្នាំ កន្លងមកហើយ ខណៈដែលនាងធ្វើដំណើរ ទៅ Beijing ជាមួយ Michelle និងតារាប្រុសរូបនេះ នៅពេលដែលពួកគេ ទៅថតខ្សែភាពយន្ត នៅទីនោះ។
Queenie Mok បានសរសើរ Leon ថាជាបុរសមានសន្តានចិត្តល្អម្នាក់ ដែលជួយសង្គ្រោះជីវិតនាង កំឡុងពេលដែលនាងរលូតកូន ដោយចៃដន្យ ហើយថែមទាំងចេញថ្លៃព្យាបាល ឲ្យនាងទៀតដោយពេលនោះស្វាមីនាង នៅហុងកុង មិនអាចមកបាន ព្រោះប៉ាស្ព័រផុតកំណត់ហើយ Leon ក៏ជួយចេញមុខដោះស្រាយ ឲ្យស្វាមីនាងបានធ្វើដំណើរ មករកប្រពន្ធទៀតផង បន្ទាប់ពីកើតហេតុការណ៍ មួយថ្ងៃ។
Queenie Mok បានប្រកាសថ្លែងអំណរគុណ តារាប្រុស Leon ជាសាធារណៈ ដោយសារមិនអាចទាក់ទងគេ អរគុណដោយផ្ទាល់ បានហើយសង្ឃឹមថា តារាប្រុសដ៏សង្ហា នឹងបានឮការប្រកាស របស់នាង៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
