ពៅ ពេជ្រ ចេញបទ Original Song លើកដំបូង នៅ Rock Music រំពឹងថា នឹងទទួលជោគជ័យ
(ភ្នំពេញ)៖ តារាចម្រៀងបែបយុវវ័យ លោក ពៅ ពេជ្រ ដែលមហាជនធ្លាប់ស្គាល់រួចមកហើយ តាមរយៈការបកស្រាយនូវចម្រៀង «នឹងបង៥០%» ធ្វើឲ្យផ្ទុះកក្រើក កាលពីប៉ុន្មានខែមុននោះ នៅពេលនេះ លោកបានបង្ហាញវត្តមាន នៅក្នុង Rock Music ដោយបានចេញបទចម្រៀង ជាលើកដំបូងរបស់ខ្លួន និងរំពឹងថា នឹងទទួលបានការគាំទ្រខ្លាំង ផ្ទុះឡើងជាថ្មីពីសំណាក់មហាជនទូទៅ។
បទចម្រៀង ដែលលោក ពៅ ពេជ្រ ខិតខំប្រឹងប្រែងនិពន្ធ ទំនុកច្រៀងខ្លួនឯង និងសាច់ភ្លេងដោយ Mr. J-Pok នេះ មានចំណងជើងថា «ស្រឡាញ់គេ ពេលមានអូន» ដែលជាបទមនោសញ្ចេតនា ស្នេហា លន្លង់លន្លោច ត្រូវចិត្តយុវវ័យ។
តារាចម្រៀង ពៅ ពេជ្រ បានថ្លែងប្រាប់ឲ្យដឹងថា តាមរយៈបទចម្រៀងនេះ ធ្វើឲ្យលោកមានក្ដីរំពឹងថា នឹងទទួលបានប្រជាប្រិយភាពឡើង មួយកម្រិតទៀត ខណៈដែលនេះជាស្នាដៃរបស់លោក ដែលខិតខំប្រឹងប្រែងនិពន្ធផ្ទាល់ដោយខ្លួនឯង ដើម្បីធ្វើយ៉ាងណាឲ្យមានរសជាតិប្លែកពីគេ។ បទនេះលោកកំពុងតែត្រៀម ផលិតចេញជា MV ក្នុងពេលឆាប់ៗខាងមុខនេះ នៅក្នុង Rock Music ដែលជាផលិតកម្មមួយ មានឈ្មោះល្បីល្បាញ លើបទច្រៀង Original Song។
លោកបន្តទៀតថា មូលហេតុដែលលោកសម្ដែង នូវក្ដីរំពឹងខ្ពស់បែបនេះ ព្រោះតែបច្ចុប្បន្ន ទស្សនិកជនជាច្រើនបានគាំទ្រទៅលើបទ Original Song ដោយមិនចម្លងពីបរទេស ហើយគោលការណ៍របស់ Rock Music តែងតែប្រកាន់ជំហបែបនេះរហូតមក ហើយនៅពេលនេះរូបលោកផ្ទាល់ ក៏មានស្នាដៃរបស់ខ្លួន បង្ហាញជូនដល់បងប្អូនទស្សនិកជន ស្ដាប់កម្រាន្តផងដែរ។
សូមស្ដាប់បទ «ស្រឡាញ់គេ ពេលមានអូន» ដែលជា Original Song របស់តារាចម្រៀង ពៅ ពេជ្រ ទាំងអស់គ្នា៖
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
