តារាតៃវ៉ាន់ លោក Ming Dao ដាក់ខ្លួនមកជួយលក់ដំឡូងម្តាយ ទោះបីក្លាយជាតារាល្បីរកប្រាក់
(តៃវ៉ាន់)៖ តារាសម្តែង និងជាតារាម៉ូដែលតៃវ៉ាន់ម្នាក់ គឺលោក Ming Dao ត្រូវបានមហាជនចាប់អារម្មណ៍ថា ជាតារាដែលហាក់ដូចជា ដាក់ខ្លួនណាស់ បើទោះជាមួយឆ្នាំៗ លោកអាចរកប្រាក់ចំណូលបានរាប់លានដុល្លារក្តី។
សារព័ត៌មានមួយផ្សាយថា តារាប្រុសដ៏សង្ហារូបនេះ តែងទៅជួយលក់ដំឡូងម្តាយ នៅឯផ្សារ Banqiao ស្ថិតនៅទីក្រុង New Taipei ឲ្យតែខ្លួនមានពេលទំនេរ ហើយស្លៀកពាក់ខោអាវសាមញ្ញបំផុត សឹងតែមិនគួរឲ្យជឿថា ជាមនុស្សដ៏ល្បីម្នាក់ទេ។ Ming Dao តារាវ័យ៣៦ឆ្នាំទៅហើយ តែភាពស្រស់សង្ហារបស់លោក នៅតែទាក់ទាញចិត្តអ្នកគាំទ្រ ហើយលោក គឺជាកូនកត្តញ្ញូម្នាក់ ដែលតែងតែជួយម្តាយតាំងពីនៅ អាយុ៥ឆ្នាំម្ល៉េះ ប៉ុន្តែពីមុនមហាជន ធ្លាប់រិះគន់តារាប្រុសនេះថា ហេតុអ្វីរកប្រាក់ចំណូលបានច្រើនហើយ នៅតែឲ្យម្តាយមកលក់ ដូរបែបនេះទៀត។
តែសំខាន់រឿងនេះ គឺម្តាយរបស់គាត់ពេញចិត្តនឹងធ្វើ ដើម្បីបំបាត់ភាពអផ្សុកប៉ុណ្ណោះ ហើយ Ming Dao គាំទ្រ និងជួយម្តាយតាមអ្វីដែលអាចធ្វើទៅបាន៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
