ពិតជាចាប់គូត្រូវមែន! តារាប្រុសស្រីទាំងនេះ សម្ដែងស៊ីសង្វាក់គ្នាល្អខ្លាំងណាស់!
ខាងក្រោមនេះ គឺជាដៃគូតារាថៃប្រចាំស្ថានីយ៍ទូរទស្សន៍ Thai TV3 ទាំងបីគូ ដែលសម្ដែងមានភាពស៊ីសង្វាក់គ្នាល្អ ៖
លោក Krating Khunnarong និង Bua Nalinthip
តារាកំពុងរះទាំងពីររូបនេះ សម្ដែងរួមគ្នាជាលើកដំបូង នៅក្នុងខ្សែភាពយន្ដភាគរឿង “Praomook” ប៉ុន្ដែពួកគេសម្ដែងហាក់មិនស៊ីសង្វាក់គ្នាល្អសោះ នៅក្នុងខ្សែភាពយន្ដដំបូងនេះ ។ លោក Krating Khunnarong និងកញ្ញា Bua Nalinthip បានសម្ដែងរួមគ្នាជាថ្មីម្ដងទៀត នៅក្នុងខ្សែភាពយន្ដរឿង “Keun Ruk Salub Chata” និងសម្ដែងជាគូស្នេហ៍នឹងគ្នា ។ ភាពស៊ីមេទ្រីរបស់ពួកគេ នៅក្នុងខ្សែភាពយន្ដទី២ នេះ គឺមានភាពអស្ចារ្យខ្លាំងណាស់ និងបានទាក់ទាញចំណាប់អារម្មណ៍របស់អ្នកទស្សនាខ្លាំងទៀតផង ។
លោក August Vachiravit និងកញ្ញា Namfah Thunyapha
លោក August Vachiravit និងកញ្ញា Namfah Thunyaphat សម្ដែងរួមគ្នាលើកដំបូង នៅក្នុងខ្សែភាពយន្ដរឿង “Krong Karm” ។ នៅក្នុងខ្សែភាពយន្ដនេះ ពួកគេសម្ដែងជាបងប្អូនថ្លៃនឹងគ្នា ។ ក្នុងឆ្នាំ ២០២១ នេះ ពួកគេសម្ដែងរួមគ្នា នៅក្នុងរឿង “Mae Krua Kon Mai” ។ តាមរយៈភាពស៊ីសង្វាក់គ្នាគួរឱ្យស្រលាញ់របស់ពួកគេ ទើបខ្សែភាពយន្ដនេះ ទទួលបានពាក្យសរសើរយ៉ាងច្រើនពីអ្នកទស្សនា ។
លោក Ohm Kanin និងកញ្ញា Prim Prima
លោក Ohm Kanin និងកញ្ញា Prim Prima គឺជាគូសម្ដែងថ្មីថ្មោង និងគួរឱ្យស្រឡាញ់ ពីខ្សែភាពយន្ដផលិតឡើងវិញដ៏ពេញនិយមរឿង “Sapai Jao Sua” ។ ដៃគូសម្ដែង នៅក្នុងខ្សែភាពយន្ដនេះ មានភាពស៊ីសង្វាក់គ្នាល្អណាស់ ហើយយើងសង្ឃឹមថា ពួកគេនឹងសម្ដែងរួមគ្នាទៀត នៅក្នុងខ្សែភាពយន្ដថ្មី ក្នុងពេលឆាប់ៗនេះ ៕
ប្រែសម្រួល៖ សារ៉ាត
ប្រភព៖ Thaiupdate
កំសាន្ត ដែលមើលច្រើន
