CamNews

ភ្នំពេញ: ដោយសារតែកក ស្ទះចរាចរណ៍ ស្ទើររាល់ថ្ងៃ បានធ្វើឲ្យប្រជាពលរដ្ឋ មានការខឹងសម្បា ទៅនិងហាងផឹកស៊ីមួយ កន្លែងៗ ក្នុងរាជធានីភ្នំពេញតែងតែរំលោភ យកចិញ្ចឹមផ្លូវ ធ្វើជាចំណតម៉ូតូ ឡាន ដោយមិនខ្វល់ពីកាធ្វើដំណើរ របស់ ប្រជាពលរដ្ឋឡើយ ។ ជាក់ស្តែងដូចជាហាងផឹកស៊ីមួយកន្លែង យីហោប្រ៊េនឌី (Brandy) បង្កការភ្ញាក់ផ្អើលដល់មនុស្ស ចោម រោមមើលដោយសារតែហាងនេះ បានយកចិញ្ចឹមផ្លូវមកធ្វើជាកន្លែងចតម៉ូតូ ធ្វ់ឲ្យស្ទះចរាចរណ៍ ជារៀងរាល់ថ្ងៃ រហូតដល់ ក្មេងស្ទាវមួយក្រុម បាននាំគ្នាមកអុកឡុក ដោយយកដបស្រាគប់ទៅក្នុងហាង បង្កឲ្យភ្ញាក់ផ្អើលតែម្តង ។

ករណីក្មេងស្ទាវមួយក្រុមអុកឡុក ហាងផឹកស៊ីខាងលើនេះ បានបង្កឲ្យភ្ញាក់ផ្អើលឡើង កាលពីវរលា ម៉ោង៧និង៣០នាទី យប់ថ្ងៃទី០៩ ខែវិចិ្ចកា ឆ្នាំ២០១៥ ដោយក្មេនៅចំណុចផ្លូវ២៦៥ កែងផ្លូវ១៩២ សង្កាត់ទឹកល្អក់៣ ខណ្ឌទួលគោក ។

តាមសម្តីពីសាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុគឺ មានក្មេងស្ទាវ មួយក្រុម បានចូលទៅធ្វើ កម្មវិធីខួបកំណើត នៅក្នុងហាងផឹកស៊ីយីហោប្រ៊េនឌី(Brandy) ហើយបានចតម៉ូតូ២ជួរ និងរថយន្តមួយខាងផ្លូវទៀត ដែលធ្វើអោយផ្លូវតូចចង្អៀត ពិបាកធ្វើចរាចរណ៍ ស្រាប់តែមួយស្ទះ ក្រោយមក ស្រាប់តែមិនដឹងមានយ៉ាងម៉េច ក៏ឃើញសកម្មភាពវាយតប់គ្នា ដោយក្រុមក្មេងស្ទាវ មួយក្រុមទៀតបានជិះម៉ូតូមកនៅមុខហាងហើយគេចខ្លូនបាត់អស់ទៅ។

នរគបាលប៉ុស្ត៏បានមកសាកសួរ ពីដំណើររឿងវាយតប់គ្នាបានត្រឹមតែលឺគេថា ក្រុមក្មេងស្ទាវមកវាយ តប់គ្នានៅខាងមុខ ហាងហើយគេចខ្លួនបាត់ ដោយមិនដឹងមូលហេតុ និងមកពីប្រភពណាដែរ ។

គួរបញ្ជាក់ផងដែរថាភាគច្រើនហាងលក់ ដូរក៏ដូចជាហាងផឹកស៊ីក្នុងរាជធានីភ្នំពេញ គឺសុទ្ធតែយក ចិញ្ចឹមផ្លូវមកធ្វើ អាជីវកម្មផ្ទាល់ខ្លួន ហើយក្រុមអាជីវកម្មទាំងអស់ នោះតែងតែខុបខិតគ្នា ជាមួយអាជ្ញាធរ មូលដ្ឋានដើម្បីគិតពី ប្រយោជន៍ផ្ទាល់ខ្លួនផងដែរ ៕

ផ្ដល់សិទ្ធដោយ៖ ដើមអម្ពិល