តារាសម្តែងលោក Li Yifeng បើកឡានតម្លៃ ១,៥លានដុល្លារ ក្នុងស្ថានភាពស្រវឹងជួបគ្រោះថ្នាក់ចរាចរណ៍
(ចិន)៖ Li Yifeng តារាសម្តែងប្រុស ដ៏ស្រស់សង្ហាម្នាក់នៅប្រទេសចិន បានធ្វើឲ្យអ្នកគាំទ្រមានការបារម្ភយ៉ាងខ្លាំង បន្ទាប់ពីជួបគ្រោះថ្នាក់ចរាចរណ៍ ដ៏រន្ធត់មួយបណ្តាល ឲ្យរថយន្តតម្លៃមហាសាល រងការខូចខាតយ៉ាងដំណំ។
អ្នកគាំទ្រតារាប្រុសរូបនេះម្នាក់ បាននិយាយថា គេពិតជារីករាយ ដែលតារាក្នុងដួងចិត្តរបស់ខ្លួន អាចរួចផុតគ្រោះថ្នាក់ដល់ជីវិត ហើយផ្ទៃមុខដ៏ស្រស់ស្អាតរបស់គាត់ មិនមានរងរបួសអ្វីឡើយ ក្រៅតែពីរថយន្ត SGD Lamborghini តម្លៃ ១.៥លានដុល្លារ ត្រូវរងការខូចខាត។
មានពាក្យចចាមអារ៉ាម បានលើកឡើងថា Yifeng ទំនងជាបើករថយន្តលឿន និងស្ថិតក្នុងស្ថានភាព ស្រវឹងទៀតផង ។ មិនតែប៉ុណ្ណោះប័ណ្ណបើកបររបស់តារាប្រុសរូបនេះ ក៏ផុតកំណត់ដែរ ប៉ុន្តែយ៉ាងណានៅថ្ងៃកើតហេតុ ប៉ូលិសមិនបានពិនិត្យជាតិអាល់ កុលលើតារាប្រុសនេះឡើយ តែគេនៅតែរងការផាកពិន័យដដែល ករណីប៉ូលិសរកឃើញថា បើកបរក្នុងល្បឿនលឿន និងស្ថិតក្នុងស្ថានភាពស្រវឹង៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
