Coach បេក្ខនារី «The Voice America» រដូវកាលទី៦ ប្រកាសចេញថ្លៃចំណាយបុណ្យសពនាង ក្រោយបាញ់...
(អាមេរិក)៖ ការបាត់បង់ជីវិត នាងChristina Grimmie ដែលជាតារាចម្រៀង ក្នុងកម្មវិធី «The Voice America 2014» កន្លងទៅថ្មីៗនេះ បានធ្វើឲ្យមហាជនតក់ស្លុតយ៉ាងខ្លាំង ព្រោះតែនាងត្រូវឃាតកបាញ់សម្លាប់ ខណៈកំពុងឡើងច្រៀង លើឆាកតន្ត្រីមួយ នៅរដ្ឋផ្លរីដា។
Adam Levine គ្រូបង្វឹកវ័យ៣៧ឆ្នាំ របស់តារាចម្រៀងរូបនេះ កាលពីចូលរួមក្នុងកម្មវិធី «The Voice America 2014» រដូវកាលទី៦ បានប្រាប់ប្អូនប្រុសរបស់ Christina ថា គាត់នឹងចេញថ្លៃចំណាយ លើការរៀបចំពិធីបុណ្យសព ហើយបានសម្តែងអារម្មណ៍ខូចចិត្តខ្លាំង ដែលបាត់បង់តារាចម្រៀង វ័យក្មេងរូបនេះ។ ជាមួយគ្នានេះ អ្នកគ្រប់គ្រងតារាចម្រៀង Christina នៅក្នុងក្រុមហ៊ុន ក៏បានបង្កើតមូលនិធិមួយ ដើម្បីប្រមូលថវិកាមួយចំនួន រៀបចំបុណ្យសពឲ្យនាងដែរ។
ចំណែកឃាតកចិត្តសាហាវ ក៏ត្រូវសមត្ថកិច្ចចាប់ខ្លួនបាន ដោយគេមានឈ្មោះ Kevin James ធ្វើដំណើរមកពីតំបន់ Petersburg បានមកកាន់កន្លែងកើតហេតុ ដើម្បីសម្លាប់ នាង Christina តែមិនមានការបញ្ជាក់ឲ្យដឹងថា តើឃាតកប្រុសនេះ មានគំនុំអ្វីជាមួយតារាចម្រៀង Christina ឡើយ៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
