Jun Hyun Moo និងស្រីស្អាត របស់ Girls’ Generation’s កញ្ញា Seohyun នឹងត្រឡប់មកធ្វើពិធីករ ក្នុងកម្មវិធី
លោក Jun Hyun Moo និងកញ្ញា Seohyun មកពីក្រុម Girls’ Generation នឹងត្រឡប់មកធ្វើជាពិធីករ នៅក្នុងកម្មវិធី The Fact Music Awards (TMA) ។
នៅថ្ងៃទី ២៥ ខែវិច្ឆិកានេះ គណៈកម្មការ រៀបចំកម្មវិធី បានបញ្ជាក់ថា អ្នកទាំងពីរខាងលើ នឹងធ្វើជាដៃគូពិធីករ-ពិធីការិនី សម្រាប់ព្រឹត្ដិការណ៍ដ៏កក្រើកនេះ ។ លោក Jun Hyun Moo និងកញ្ញា Seohyun ធ្លាប់ធ្វើជាពិធីកររួមគ្នាលើកដំបូងម្ដងរួចមកហើយ នៅក្នុងព្រឹត្ដិការណ៍ The Fact Music Awards កាលពីឆ្នាំ ២០១៩ ។ ពួកគេទាំងពីរ ត្រូវបានប្រកាសជា ពិធីករ-ពិធីការិនីផងដែរ សម្រាប់ឆ្នាំទីពីរនៃព្រឹត្ដិការណ៍នេះ ដែលត្រូវបានលុបចោលដោយសារតែការរាតត្បាតនៃជំងឺ ខូវីដ ១៩ (ក្រោយមក អ្នកទទួលបានជ័យលាភី ត្រូវបានប្រកាស លើអនឡាញ) ។
ព្រឹត្ដិការណ៍ The Fact Music Awards លើកទី៣ ប្រចាំឆ្នាំ គ្រោងនឹងប្រព្រឹត្ដទៅ នៅទី១២ ខែធ្នូខាងមុខនេះ ពោលគឺលឿនជាងកាលកំណត់កាលពីឆ្នាំមុន ។ កម្មវិធីនេះ នឹងធ្វើឡើង ដោយមិនបាច់ជួបមុខគ្នាផ្ទាល់ ហើយនឹងចាក់ផ្សាយបន្តផ្ទាល់ នៅតំបន់ជាច្រើនជុំវិញពិភពលោក ៕
ប្រែសម្រួល៖ សារ៉ាត
ប្រភព៖ soompi
កំសាន្ត ដែលមើលច្រើន
