រឿង ៨ យ៉ាងដែលអ្នកមិនធ្លាប់ដឹងអំពីតារាថៃ Yaya Urassaya និង Kimmy Kimberley Anne Voltemas
តារាថៃ ដ៏មានកេរ្ដិ៍ឈ្មោះបោះសម្លេង ក្នុងខ្សែភាពយន្ដ ដែលប្រិយមិត្ដតែងតាមដានទស្សនាលើកញ្ចក់ទូរទស្សន គឺកញ្ញា Yaya Urassaya Sperbund និងកញ្ញា Kimmy Kimberley Anne Voltemas គឺជាកំពូលតារាភាពយន្ដ ដែលបម្រើការងារឱ្យស្ថានីយ៍ទូរទស្សន៍ Thai TV3 ហើយអ្នកទាំងពីរក៏ជាមិត្ដសម្លាញ់នឹងគ្នាជាច្រើនឆ្នាំមកហើយផងដែរ ។ ប្រិយមិត្ដប្រហែលជាមិនធ្លាប់ដឹងពីអាថ៍កំបាំងរបស់តារាស្រីពីររួបនេះទេ ដូច្នេះសូមតាមដាមទាំងអស់គ្នាខាងក្រោម៖
១. តារាស្រីទាំងពីរ គឺជាកូនកាត់ពីរសាសន៍ គឺថៃ និងអឺរ៉ុប។ Yaya Urassaya ជាកូនកាត់ថៃ-ណកវ៉េ ចំណែកឯ Kimmy Kimberley វិញជាកូនកាត់ថៃ-អាឡឺម៉ង់។
២. Yaya Urassaya ចម្រើនវ័យធំធាត់ នៅក្នុងប្រទេសថៃ ចំណែកឯ Kimmy Kimberley វិញរស់នៅក្នុងប្រទេសអាឡឺម៉ង់ ពេលនាងនៅក្មេង មុនពេលផ្ទេរមករស់នៅក្នុងប្រទេសថៃ។
៣. Yaya Urassaya សញ្ញេកុងត្រាធ្វើការឱ្យស្ថានីយ៍ទូរទស្សន៍ Thai TV3 មុន Kimmy Kimberley មួយឆ្នាំ។
៤. អ្នកទាំងពីរ បានក្លាយជាមិត្ដសម្លាញ់នឹងគ្នា ក្រោយសម្ដែងរឿងភាគរួមគ្នាឱ្យស្ថានីយ៍ទូរទស្សន៍ Thai TV3 ក្នុងរឿង”4 Huajai Haeng Khon Kao”។
៥. ក្នុងនាមជាមិត្ដសម្លាញ់ Yaya Urassaya តែងគាំទ្រ Kimmy Kimberley នៅពេលមានរឿងអ្វីមួយកើតឡើង ។
៦. អ្នកទាំងពីរជួបស្នេហ៍ពិតរបស់ពួកគេ នៅកន្លែងថតភាពយន្ដ។ នាពេលថ្មីៗនេះ Kimmy Kimberley បានណាត់ជួបគូស្នេហ៍ គឺលោក Mark Prin រីឯ Yaya Urassaya កំពុងមានទំនាក់ទំនងស្នេហាជាមួយនឹងលោក Nadech Kugimiya ។
៧. អ្នកទាំងពីរ បានក្លាយជាមិត្ដសម្លាញ់នឹងគ្នាជិត ១០ ឆ្នាំមកហើយ។
៨. ឆ្នាំនេះទាំង Yaya Urassaya និង Kimmy Kimberley សម្ដែងជាតួអង្គកូនភ្លោះ ក្នុងខ្សែភាពយន្ដភាគរបស់ស្ថានីយ៍ទូរទស្សន៍នេះ ដែលមានឈ្មោះក្នុងរឿងថា Klin Ka Salon និង Song Sanaeha និងរួមសម្ដែងជាមួយនឹងលោក James Ma ៕
ប្រែសម្រួល៖ សារ៉ាត
ប្រភព៖ thaiupdate
តារា ដែលមើលច្រើន
