តារា
និស្សិតវិទ្យាស្ថានវ៉ាន់ដាចូលប្រ
រាជធានីភ្នំពេញ ៖ កញ្ញាស៊ុន ស្រីម៉ុច នៅដើមឆ្នាំ២០១០ បានចូលប្រឡូកក្នុងវិស័យសិល្បៈបង្ហាញម៉ូដ ព្រមទាំងកាយវិការខារ៉ាអូខេ និងភាពយន្ត។ លើសពីនេះនាងជានិស្សិតផ្នែកធនាគារនៅវិទ្យាស្ថានវ៉ាន់ដាគណនេយ្យ ផងដែរ។ កញ្ញាស៊ុន ស្រីម៉ុច មានទេពកោសល្យសម្តែងល្អ ព្រោះនាងធ្លាប់ហាត់រៀនបង្ហាញម៉ូដ និងចូលរួមបង្ហាញម៉ូដជាមួយក្រុមក្នុងកម្មវិធីធំតូចជាច្រើន។ ក្រៅពីនេះនាងបានចូលរួមសម្តែងកាយវិការខារ៉ាអូខេឱ្យផលិតកម្មក្នុង ស្រុកនិងក្រៅប្រទេសមួយចំនួន ។
កញ្ញាស៊ុន ស្រីម៉ុច ក្នុងវ័យ១៩ឆ្នាំ កំពុងតែលេចមុខនៅក្នុងខ្សែរឿង�ឆ្អែតចិត្ត� របស់ផលិតកម្មមហាហង្ស ដែលកំពុងចាក់ផ្សាយតាមកញ្ចក់ទូរទស្សន៍អប្សរាប៉ុស្តិ៍លេខ១១ ដោយសម្តែងជាតួកាចឆ្នាស ។ នាងនិយាយថា ក្រោយពីរឿង�ឆ្អែតចិត្ត� ចាក់ផ្សាយចប់នាងជឿថានឹងមានការគាំទ្រច្រើនមិនខាន។ សំរាប់រឿងក្រោយៗទៀតនាងនឹងខិតខំប្រឹងប្រែងសម្តែងឱ្យកាន់តែល្អ ថែមទៀតដើម្បីល្បីឈ្មោះនាពេលអនាគត។
កញ្ញាស៊ុន ស្រីម៉ុច មានបំណងចង់ក្លាយជាតារាភាពយន្តដែលមានកេរ្តិ៍ឈ្មោះល្បីនិងចង់ ធ្វើការងារធនាគារផង ចង់បើកហាងកែសម្ផស្សផង។ សព្វថ្ងៃនាងកំពុងខិតខំប្រឹងប្រែងសិក្សាផ្នែកធនាគារផង រៀនផ្នែកធ្វើសក់ ផាត់មុខកែសម្ផស្សនៅសាលាបណ្តុះបណ្តាលវិជ្ជាជីវៈកែសម្ផស្សគង់ សុជាតិផង ។ មិនត្រឹមតែប៉ុណ្ណោះនាងឆ្លៀតពេលវេលាដ៏មមាញឹកទៅបង្ហាញម៉ូដ សម្តែងកាយវិការខារ៉ាអូខេ និងភាពយន្តផង។
កញ្ញាស្រស់ស្អាតរូប នេះមានស្រុកកំណើតនៅរាជធានីភ្នំពេញ ឪពុកឈ្មោះស៊ុន ឡងឌី ជាមន្ត្រីកងរាជអាវុធហត្ថ និងម្តាយឈ្មោះលុយ សុផានី ជាអ្នកលក់ដូរ ។ នាងជាកូនស្រីពៅនៅក្នុងចំណោមបងប្អូនស្រី៣នាក់ ។ សព្វថ្ងៃនាងរស់នៅជាមួយឪពុកម្តាយក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ៕
http://kohsantepheapdaily.com.kh/art...17-201755.html
Tags:
តារា ដែលមើលច្រើន
