តារាស្រីប្រចាំក្រុម AOA កញ្ញា Seolhyun ប្រែខ្លួនជាតួអង្គប៉ូលិសដ៏មានមហិច្ឆតា នៅក្នុងខ្សែភាពយន្ដថ្មីរឿ
រូបថតដំបូងជាច្រើនសន្លឹករបស់កញ្ញា Seolhyun តារាស្រីប្រចាំក្រុម AOA បានចេញផ្សាយ ដែលសម្ដែងក្នុងខ្សែភាពយន្ដភាគថ្មីរឿង “Awaken” ។
ខ្សែភាពយន្ដភាគថ្មីរបស់ស្ថានីយ៍ទូរទស្សន៍កូរ៉េ TVN គឺជាខ្សែភាពយន្ដបែបកាប់សម្លាប់ដ៏អាថ៌កំបាំង ដែលធ្វើតាមការផ្សារភ្ជាប់រវាងព្រឹត្ដិការណ៍អាថ៍កំបាំង ដែលយកមកលាតត្រដាងក្នុងពេលបច្ចុប្បន្ន និងអាថ៍កំបាំងនៅពីក្រោយហេតុការណ៍ដ៏ចម្លែក ដែលកើតឡើង ក្នុងភូមិមួយ រយៈពេល ២៨ ឆ្នាំមុន ។
កញ្ញា Seolhyun សម្ដែងជាតួនាង Gong Hye Won ជាមន្រ្ដីប៉ូលីស ដែលមានបុគ្គលិកលក្ខណៈស្រស់ថ្លា ដែលនិយាយរឿងគ្រប់យ៉ាងពីក្នុងចិត្ដរបស់នាង។ នាងជាស្រ្ដីអង់អាចក្លាហាន និងមានមហិច្ឆតាខ្ពស់ ប៉ុន្ដែក៏មានចរិតល្ងីល្ងើ ទន្ទឹមនឹងនោះដែរ ។
រូបថត ដែលទើបនឹងបង្ហោះថ្មីៗ បង្ហាញពីនាង Gong Hye Won នៅក្នុងឈុតឧក្រិដ្ឋកម្ម ដែលពាក់ឯកសណ្ឋាន និងបង្ហាញខ្លួនក្នុងការិយាល័យ ។
ក្រុមផលិតកម្មភាពយន្ដនេះ បានអធិប្បាយថា៖ “ កញ្ញា Kim Seolhyun នឹងបន្ដសម្ដែងជាតួនាង Gong Hye Won ជាច្រើនវគ្គ ។ Gong Hye Won ដែលកាយវិការរបស់នាង ទៅលឿនជាងសម្ដី កំពុងតែថតជាមួយនឹង មហិច្ឆតាដ៏អស្ចារ្យ” ។ ខ្សែភាពយន្ដរឿង “Awaken” នឹងចាក់បញ្ចាំង នៅថ្ងៃទី ៣០ ខែវិច្ឆិកា វេលាម៉ោង ៩ យប់ ម៉ោងនៅប្រទេសកូរ៉េ ៕
ប្រែសម្រួល៖ សារ៉ាត
ប្រភព៖ soompi
កំសាន្ត ដែលមើលច្រើន
