តារាស្រីតៃវ៉ាន់ដ៏ស្រស់ស្អាត នាង Olivia Ku បាត់បង់ជីវិត ពេលជ្រមុជទឹកថតរូបជាមួយមច្ឆា
(តៃវ៉ាន់)៖ ការស្លាប់របស់តារាម៉ូដែលស្រី ជនជាតិតៃវ៉ាន់ម្នាក់ បានធ្វើឲ្យមហាជនសោកស្តាយជាខ្លាំង ដោយមិននឹកស្មានថា នាងត្រូវលាចាកលោកទាំងវ័យក្មេង បែបនេះឡើយ។
ប្រភពព័ត៌មានពី Apple Daily របស់តៃវ៉ាន់ផ្សាយថា Olivia Ku បានធ្វើដំណើរទៅកាន់ តំបន់ Hengchun ក្នុងទីក្រុង Pingtung ដើម្បីជ្រមុជទឹកថតរូប ជាមួយមច្ឆានៅក្រោមទឹក ដែលមានជម្រៅប្រមាណ៦ម៉ែត្រ ហើយពេលនាងផ្លាស់ប្រដាប់ដកដង្ហើម ក្រោមទឹកដើម្បីថតរូប រំពេចនោះ ក៏កើតរោគហឺតភ្លាមៗដែរ ខណៈជ្រមុជក្រោមទឹកសមុទ្រ ទម្រាំមានអ្នកទាញចេញមកលើគោកវិញបាន គឺតារាស្រីរូបនេះស្ទះដង្ហើម រហូតដល់បាត់បង់ជីវិតទៅហើយ។
ការស្លាប់របស់នាង Olivia Ku ធ្វើឲ្យប៉ះពាល់ដល់ក្រុមហ៊ុន ដែលមើលការខុសត្រូវតារាស្រីនេះ ផងដែរ តែខាងក្រុមហ៊ុនបញ្ជាក់ថា មិនមានពាក់ព័ន្ធនឹងការងារទេ ករណីស្លាប់របស់នាង Olivia Ku គឺនាងចេញទៅដើរកំសាន្ត ក្នុងលក្ខណៈផ្ទាល់ខ្លួនប៉ុណ្ណោះ។ រីឯក្រុមគ្រួសារនាងអះអាងថា មុនពេលចេញទៅជ្រមុជ នៅក្រោមទឹកនោះ Olivia Ku មានជំងឺផ្តាសាយធំ ផងដែរ។ ការបាត់បង់តារាស្រីតៃវ៉ាន់ ដ៏ស្រស់ស្អាតរូបនេះ ធ្វើឲ្យទស្សនិកជនជាច្រើនខូចចិត្ត យ៉ាងខ្លាំង ជាពិសេសកូនស្រីអាយុ ៤ឆ្នាំរបស់នាង ជាមួយអតីតស្វាមី ត្រូវរស់នៅក្នុងជីវិតជាក្មេងកំព្រា៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
