កម្ពុជាមានទុក្ខយ៉ាងក្រៀមក្រំ ក្រោយលោក ហែម ថុន ទទួលមរណភាព
ភ្នំពេញ៖ កម្ពុជាបានបាត់បង់ថ្នាក់ដឹកនាំកីឡាដ៏ឆ្នើមមួយរូប គឺលោក ហែម ថុន អគ្គលេខាធិការរងនៃគណៈកម្មាធិការជាតិ អូឡាំពិកកម្ពុជា និងជាអគ្គលេខាធិការសហព័ន្ធកីឡាហែលទឹកខ្មែរ ដែលលោកបានទទួលមរណភាពនៅល្ងាចថ្ងៃទី១២ ខែមករា ឆ្នាំ២០១៥នេះ ។
ប្រភពព័ត៌មានពីលោក កាំង សុធា មន្ដ្រីព័ត៌មានគណៈកម្មាធិការជាតិអូឡាំពិកកម្ពុជា (NOCC) បានថ្លែងប្រាប់គេហទំព័រ Looking TODAY តាមទូរស័ព្ទមុននេះបន្ដិចថា មន្ដ្រីគណៈកម្មាធិការជាតិអូឡាំពិកកម្ពុជា តក់ស្លុតយ៉ាងខ្លាំង បន្ទាប់ពីទទួលដំណឹងថា លោក ហែម ថុន បានទទួលមរណភាព ។ លោក ហែម ថុន បានទទួលមរណភាព ដោយសាររោគាពាធក្នុងជន្មាយុ៧៦ឆ្នាំ ។
លោក កាំង សុធា បានបន្ដថា មរណភាពរបស់លោក ហែម ថុន បានធ្វើឲ្យមន្ដ្រី NOCC និងស្ថាប័នកីឡាជាតិគ្រប់ជាន់ថ្នាក់ មានការសោកស្ដាយខ្លាំងណាស់ ដែលកម្ពុជាត្រូវបាត់បង់អ្នកមានសមត្ថភាព និងជាអតីតកីឡាករហែលទឹកជើងចាស់ សម័យសង្គមរាស្ដ្រនិយមដ៏ឆ្នើមមួយរូប ។
មន្ដ្រីព័ត៌មាន NOCC រូបនេះ បាននិយាយទាំងអារម្មណ៍ក្ដុកក្ដួលអួលដើមកថា “ក្នុងនាមមន្ដ្រីអូឡាំពិកកម្ពុជា គឺយើងមានការសោកស្ដាយជាខ្លាំង ដែលយើងបានបាត់បង់ថ្នាក់ដឹកនាំកីឡាដ៏មានសមត្ថភាពមួយរូប ព្រោះគាត់ (ហែម ថុន) បានលះបង់ពេលវេលាច្រើនណាស់ ដើម្បីលើកស្ទួយវិស័យកីឡាកម្ពុជា ដូច្នេះយើងនឹងចងចាំស្នាដៃរបស់គាត់ជារៀងរហូត” ។
លោកបន្ថែមថា “លោក ហែម ថុន ប្រៀបបីដូចជាសារមន្ទីកីឡាមួយអញ្ចឹង ព្រោះគាត់ជាអ្នកកីឡាជើងចាស់ម្នាក់ ដែលរស់នៅបានយូរតាំងពីសម័យសង្គមរាស្ដ្រនិយមមក ពោលគឺគាត់បានចងចាំរឿងរ៉ាវយ៉ាងច្រើនទាក់ទងនឹងកីឡា ហើយគាត់ក៏បានកសាងស្នាដៃជាច្រើនជូនជាតិផងដែរ ។ ដូច្នេះសូមវិញ្ញាណខន័្ធលោកគ្រូបានសោយសុខ ក្នុងសុគតិភពកុំបីឃ្លៀងឃ្លាតឡើយ” ៕
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)