ភ្នំពេញៈ អគ្គិភ័យបានឆាបឆេះនៅក្នុងបារាំង «ភូសស៊ីខេត» ក្នុងសង្កាត់ផ្សារកណ្តាលទី១ តែមិន
បណ្តាលឲ្យរងការ ខូចខាតធ្ងន់ធ្ងរ ឬរាលដាលដល់ផ្ទះប្រជាពលរដ្ឋដទៃនោះទេ ព្រោះបានកម្លាំង
ពន្លត់អគ្គិភ័យ និងអាជ្ញាធរ សមត្ថកិច្ច មូលដ្ឋានចេញជួយអន្តរាគមន៍ទាន់ពេលវេលា។
ការឆាប់ឆេះនេះ បានកើតឡើងនាវេលាម៉ោងជាង ៨ព្រឹកថ្ងៃទី២៩ ខែមេសា ឆ្នាំ២០១៣ ស្ថិតនៅ
ផ្ទះលេខ២១៧ E0 តាមបណ្តោយផ្លូវ១៣៦ កែងវិថីព្រះស៊ីសុវត្ថិ ក្នុងសង្កាត់ផ្សារកណ្តាលទី១ ខណ្ឌ
ដូនពេញ។
បើតាមសមត្ថកិច្ចបានឲ្យដឹងថា ការឆាបឆេះនេះ ផ្តើមចេញពីបន្ទប់ដាក់ស្រា ដោយទុស្សេចរន្តអគ្គិ-
សនី។ រហូតដល់ វេលាម៉ោង ៩ និង៣០នាទីព្រឹកថ្ងៃដដែល ការឆាបឆេះបានរលត់ទៅវិញហើយ
បន្ទាប់ពីការបាញ់ទឹកពន្លត់អស់ ៤ រថយន្តមកនោះ។
ទំហំ នៃការខូចខាត ដែលបណ្តាលមកពីអគ្គិភ័យនេះ មិនទាន់មានការបញ្ជាក់ពីសមត្ថកិច្ច ឬម្ចាស់
ទីតាំងនៅឡើយទេ៕
ផ្តល់សិទ្ធិដោយ៖ ដើមអំពិល