បវរកញ្ញាមីយ៉ាន់ម៉ា បានបដិសេធនឹង ការចោទប្រកាន់ថា នាងបានយកម្កុដមានតំលៃជាង ១០០,០០០ដុល្លារ ទៅប្រទេសខ្លួន
បវរកញ្ញាឯកមីយ៉ាន់ម៉ា នាង May Myat Noe ដែលត្រូវបានដកហូតតំណែងកាលពី សប្តាហ៏មុន បានបដិសេធមិនព្រមប្រគល់ម្កុដដែលមានតំលៃជាង ១០០,០០០ ដុល្លារអាមេរិកទេ រហូតទាល់តែ អ្នករៀបចំកម្មវិធីនោះព្រមសុំទោសនាង ដែលបានហៅ នាងថាជាមនុស្សកុហកបោកប្រាស់ និងជាចោរ។ កញ្ញា Noe ត្រូវបានអ្នករៀបចំកម្មវិធី ប្រលងបវរកញ្ញា ចោទប្រកាន់ ក្នុងការ មិនព្រមធ្វើការវះកាត់ដើមទ្រូង។
អ្នករៀបចំកម្មវិធីប្រកួតបវរកញ្ញានោះ បានអះអាងថា ពួកគេបានចំណាយថ្លៃធ្វើដំណើរ រយៈពេល ១០ថ្ងៃ ឲនាងដើម្បីមកកាន់សេអ៊ូលធ្វើការវះកាត់ ប៉ុន្តែនាងបែរជោនៅទីនេះ រហូតដល់ទៅបីខែ ហើយមិនព្រមទទួលការវះកាត់ទៀត។
កាលពីអង្គារ នាងបានបើកសន្និសិទកាសែតមួយ ថា៖ នាងមិនបានធ្វើអ្វីខុសទាល់ តែសោះ បែរជាត្រូវគេដកហូតតំណែងរបស់នាងទៅវិញ។ គណៈកម្មការប្រកួត Miss Asia Pacific World ចង់ឲនាងទទួលយកការវះកាត់ដើមទ្រូង ដើម្បីរក្សាតំណែងរបស់នាង។ នាងបន្តទៀតថា៖ នាងមិនចង់បានម្កុដពី កម្មវិធីដែលមានកេរ្តិ៏ឈ្មោះអាក្រក់អញ្ចឹងទេ ប៉ុន្តែនាងនឹងមិនឲម្កុដនោះ ទៅប្រទេសកូរ៉េវិញទេ លុះត្រាណាតែពួកគេព្រមសុំទោសនាង និងប្រទេសរបស់នាង។ នាងគ្មានមោទនភាពទេ ដែលទទួលបានម្កុដនេះ ហើយនាងក៏ មិនចង់ទុកវាដែរ។ នាងនិយាយ ទៀតថា៖ នៅពេលនោះ នាងបានឡើងយន្តហោះ ត្រលប់ទៅប្រទេសនាងវិញទៅហើយ មុនពេលដឹងថា នាងត្រូវបានគេដក តំណែង។
អាន៖ បវរកញ្ញាប្រទេសភូមា រត់គេចខ្លួនជាមួយនឹង ម្កុដតំលៃថ្លៃ
ប្រែសំរួលដោយ៖ មុនី
ប្រភព៖ ibtimes
តារា ដែលមើលច្រើន
