និស្សិតស្រីម្នាក់កំពុងនិយាយទូរស័ព្ទ ពេលបើកបររេចង្កូត បុករបាំងចែកទ្រូងផ្លូវ ក្រឡាប់ស្ទះចរាចរណ៍
ភ្នំពេញ ៖ យ៉ាងហោចណាស់ របាំងដែក ចែកទ្រូងផ្លូវចំនួន៣ផ្ទាំងបានរងការខូចខាត បាក់រលំ
បន្ទាប់ពីនិស្សិតស្រីម្នាក់បានបើក រថយន្ដបុក កាលពីវេលាម៉ោង ១រសៀល ថ្ងៃទី០១ ខែមីនា
ឆ្នាំ២០១៣ នេះ ស្ថិតនៅ ខាងលិចមន្ទីរសម្ភពសុខុមាភាព តាម បណ្ដោយផ្លូវ សហព័ន្ធរុស្ស៊ី
សង្កាត់ទឹកថ្លា ខណ្ឌសែនសុខ បណ្ដាលឱ្យរថយន្ដក្រឡាប់ កណ្ដាលផ្លូវ ធ្វើឱ្យស្ទះចរាចរណ៍
ពីសំណាក់អ្នក ធ្វើដំណើរ ឆ្លងកាត់ទីនោះ ។
សេចក្ដីរាយការណ៍ ពីកន្លែងកើតហេតុ បានឱ្យដឹងថា និស្សិតស្រីអាយុ ១៧ឆ្នាំ ពេលកំពុងបើក-
បរ រថយន្ដម៉ាកវីសូ ពណ៌ទឹកសមុទ្រ ពាក់ស្លាក លេខ ភ្នំពេញ 2T-4134 ក្នុងទិសដៅពីលិច ទៅ
កើត គោលបំណងទៅរៀន ប៉ុន្ដែពេល នោះរថយន្ដបានរេចង្កូត បុករបាំងដែកចែក ទ្រូងផ្លូវ
បណ្ដាលឱ្យ បាក់អស់ចំនួន ៣ផ្ទាំង ហើយរថយន្ដក្រឡាប់ផ្ងាជើងកណ្ដាលផ្លូវ បង្កឱ្យមានការ
កកស្ទះចរាចរណ៍យ៉ាងខ្លាំង ។
យ៉ាងណាក៏ដោយ កម្លាំងនគរបាលចរាចរណ៍ និងកម្លាំងសមត្ថកិច្ចមូលដ្ឋាន បានទៅជួយអន្ដ-
រាគមន៍ តាមរយៈការជួយបញ្ចៀសការ កកស្ទះចរាចរ នៅកន្លែងកើតហេតុ ។
បើតាមសមត្ថកិច្ច ដែលបានសាកសួរ និស្សិតស្រីរូបនេះ បានឱ្យដឹងថា មូលហេតុ ដែលនាំឱ្យ
មានគ្រោះថ្នាក់ចរាចរណ៍ បុករបាំង ដែកចែកទ្រូងផ្លូវ ខាងលើនេះ ដោយសារតែ រូបគេកំពុងនិ-
យាយទូរស័ព្ទ ហើយបាត់ អារម្មណ៍មួយភាំង ក៏រេចង្កូតតែម្ដងទៅ ។
សាក្សីនៅកន្លែងកើតហេតុ បានឱ្យដឹង ថា នៅពេលរថយន្ដក្រឡាប់នោះគេឃើញ និស្សិតស្រី
បានលូនចេញពីរថយន្ដ ប៉ុន្ដែ សំណាងល្អ មិនបង្កឱ្យ រងរបួស ធ្ងន់ធ្ងរនោះ ឡើយ ។
ប្រភពព័ត៌មាន ពីសមត្ថកិច្ចមូលដ្ឋាន បានឱ្យដឹងថា និស្សិតស្រីរូបនេះមានឈ្មោះ ទួន វួចណា
អាយុ ១៧ឆ្នាំ ជាសិស្សសាលា ឯកជនមួយ រស់នៅ ក្នុងភូមិបុរី១០០ខ្នង សង្កាត់ទឹកថ្លា ខណ្ឌ
សែនសុខ ៕
ផ្តល់សិទ្ធិដោយ៖ ដើមអំពិល
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)