ភ្នំពេញ ៖ ក្រោយពីមានការប្រឈមមុខ ដាក់គ្នាដ៏តានតឹង ប៉ុន្ដែ មិនទាន់មានការប៉ះ ទង្គិចគ្នាខ្លាំងក្លា នោះ រវាងកម្លាំងសមត្ថកិច្ច ចម្រុះ និងក្រុមបាតុករ នៅមុខវិមានសន្ដិ ភាព ស្រាប់តែក្រុមបាតុករចន្លោះ ពី ២០០ ទៅ៣០០នាក់ រួមមានសកម្មជនគណបក្ស សង្គ្រោះជាតិ ក្រុមក្មេងស្ទាវ កម្មកររោងចក្រ និង សកម្មជនតវ៉ារឿងដីធ្លីនៅវេលា ម៉ោងប្រមាណ ៣រសៀល ថ្ងៃទី៣០ ខែធ្នូ ឆ្នាំ២០១៣ នេះ បាននាំគ្នាទៅ បិទកំណាត់ ផ្លូវព្រះមុនីវង្ស ត្រង់ភ្លើងស្ដុបធនាគារកា ណាឌីយ៉ា បង្កឱ្យមានការកកស្ទះចរាចរណ៍យ៉ាង ខ្លាំង មិនអាចធ្វើដំណើរឆ្លងកាត់ទីនោះ បាន ដូច្នេះប្រជាពលរដ្ឋទាំងអស់គួរធ្វើ ដំណើរវាងតាមផ្លូវផ្សេង ដោយសារតែនៅ កន្លែងស្ដុបធនាគារកាណាឌីយ៉ានោះ ត្រូវ បានក្រុមបាតុករ បិទតែម្ដង ។
សូមបញ្ជាក់ថា នៅរសៀលថ្ងៃដដែល នេះ ការប្រឈមមុខដាក់គ្នា រវាងក្រុមបាតុករ និងកម្លាំងសមត្ថ កិច្ចនៅខាងមុខវិមាន សន្ដិភាព ដោយសារតែសមត្ថកិច្ចជាច្រើន នាក់ បានពង្រាយបន្លាលួសផ្លូវ ចេញ-ចូល ទៅកាន់វិមានសន្ដិភាព ដើម្បីរារាំងមិនឱ្យ ក្រុមបាតុករទាំងនោះ ដង្ហែក្បួនឆ្លងកាត់ បាន ។
យ៉ាងណាក៏ដោយក្រុមបាតុករដែល បានប្រមូលផ្ដុំគ្នាពីដំបូង នៅម្ដុំអតីតស្ថានីយ ទូរទស្សន៍ប៉ុស្ដិ៍លេខ៣ ត្រូវបានសមត្ថ កិច្ច ដាក់បន្លាលួសបាំង ហើយរុញច្រានរហូត ដល់ពួកគេ ទៅបិទកំណាត់ផ្លូវព្រះមុនីវង្ស ខណៈដែលក្រុម បាតុករជាច្រើននាក់ផ្សេងទៀត ដែលឈរជើងនៅម្ដុំក្ដាន់ពីរមុខ ក្រសួងអភិវឌ្ឍន៍ ជនបទនោះ ក៏ត្រូវបានរា រាំង ពីសំណាក់សមត្ថកិច្ចផងដែរ ៕
ផ្តល់សិទ្ធិដោយ៖ ដើមអំពិល