"សុំបេះដូងស្មោះមកវិញ" កំពុងទទួលបានការគាំទ្រ ពីទស្សនិកជនខ្មែរ
Sriti Jha (កើតនៅថ្ងៃទី ២៦កុម្ភៈ ឆ្នាំ ១៩៨៦) គឺជាកំពូលតារាទូរទស្សន៍ឥណ្ឌាមួយរូបដ៏ល្បី
ល្បាញ។ ចំពោះទស្សនិកជននៅកម្ពុជា ស្គាល់នាងតាមរយៈខ្សែភាពយន្ដទូរទស្សន៍ រឿង "សុំ
បេះដូងស្មោះមកវិញ" ដោយនៅក្នុងខ្សែភាពយន្ដនេះ Sriti Jha សំដែងជានារីដ៏ស្រស់ស្អាត
ម្នាក់ រៀបការជាមួយបុរស់អ្នកមានដែលមានចិត្តប្រច័ណ្ឌហួសហេតុ។
Sriti Jha មានស្រុកកំណើតនៅក្នុងតំបន់ Laheriasarai ក្រុង Darbhanga រដ្ឋ Bihar ភាគខាង
ជើងប្រទេសឥណ្ឌា។ ក្រោយមក នាងបានមកកាន់ក្រុង Delhi កន្លែងដែលនាងបានសិក្សានៅ
សាលា Laxman និងសាកលវិទ្យាល័យ Sri Venkateswara និងបានចូលក្នុងសមាគមសិល្បៈ
ភាសាអង់គ្លេសដែលមានឈ្មោះថា "Verbum" កាលពីឆ្នាំ ២០០៤ ។ ក្រោយមក នាងក៏បាន
ក្លាយជាប្រធាននៃសមាគមមួយនេះ។ បន្ទាប់មក Sriti Jha ក៏មានឱកាសសំដែង ក្នុងខ្សែភាព
យន្ដលើកដំបូងរបស់ខ្លួន ដែលមានចំណងជើងថា "Ritual In Blood" ។ លទ្ធផល នាងក៏បាន
ទទួលពានរង្វាន់ "អ្នកសំដែងល្អបំផុត" ផងដែរ។
ក្នុងចំណោមខ្សែភាពដែលទទួលបានការគាំទ្រច្រើនបំផុត មានខ្សែភាពយន្ដមួយចំនួន ដូចជា
រឿងបែបកំប្លែង Dhoom Machaao Dhoom ,Shaurya Aur Suhani ។ល។ ហើយ ថ្មីៗនេះ ខ្សែភាពយន្ដមនោសញ្ចេតនាដែលត្រូវបានទស្សនិកជនខ្មែរ ចាប់អារម្មណ៍ នោះគឺរឿង "សុំបេះ
ដូងស្មោះមកវិញ" ។ នៅក្នុងរឿងនេះ Sriti Jha សំដែងជាតួអង្គ ចាន់វី ដែលបានរៀបការជាមួយ
បុរសអ្នកមានម្នាក់ ឈ្មោះ វិរាជ (Karanvir Bohra)។ នាងត្រូវរងការធ្វើបាបទាំងចិត្ត ទាំងកាយ
ពីសំណាក់ស្វាមីដែលមានចិត្តស្រឡាញ់ និងហួងហែងប្រពន្ធហួសហេតុ។ ដោយទ្រាំទៀតលែង
បាន ចាន់វី ក៏សម្រេចចិត្តរត់ចេញពីផ្ទះ ដោយមានការជួយជ្រោមជ្រែងពីម្ដាយរបស់ វិរាជ។
"សុំបេះដូងស្មោះមកវិញ" បានធ្វើឱ្យទស្សនិកជនខ្មែរមួយចំនួនធំ តាមដានយ៉ាងយកចិត្តទុក
ដាក់ ជាពិសេសស្ដ្រីដែលមានគ្រួសារ។
ខ្សែភាពយន្ដរបស់នាងដែលត្រូវបានចាប់បញ្ចាំង ក្នុងខែមករា ឆ្នាំ ២០១៣ នេះ គឺរឿង Balika
Vadhu ដោយនាងសំដែងជាតួអង្គ Ganga ។ Balika Vadhu ត្រូវបានបញ្ចាំងនៅស្ថានិយ
ទូរទស្សន៍ Colors របស់ឥណ្ឌា ៕
ដោយ ៖ សីហា
ប្រភព ៖ bolegaindia
ភាពយន្ត ដែលមើលច្រើន
