តំបន់ទេសចរណ៍ ដ៏ស្រស់ស្អាត និង រ៉ូម៉ែនទិចបំផុត នៅលើទឹក
កោះកុង ជាខេត្តដែលមានព្រំប្រទល់ដែលមានឈ្មោះល្បីជាយូរមកហើយថាជា ទីតាំងព្រំដែន "តំបន់សត្វព្រៃភាគខាងលិច"។ មានទីតាំងនៅភាគនិរតីនៃប្រទេសនៅជិតស្ទឹង កាពូ ទីក្រុងនៃខេត្តនេះមានចម្ងាយតែ១០គីឡូម៉ែត្រពីព្រំដែនប្រទេសថៃ។ កោះកុងមានឆ្នេរសមុទ្រវែង និងគ្របដណ្ដប់ដោយព្រៃឈើមួយភាគនៃភ្នំក្រវាញ និងសួនឧទ្យានជាតិគិរីរម្យ។ ការទាក់ទាញទេសចរបូករួមទាំងសួនកំសាន្ត ឆ្នេរសមុទ្រ ទឹកជ្រោះ និងព្រៃកោងកាង។
នៅជិតឆ្នេរសមុទ្រកោះកុងមានកោះជា ច្រើន ក្នុងនោះមានកោះមួយដែលជាទីចាប់អារម្មណ៍គឺកោះកុងខៅ ជាស្ថានសួគ៌នៃព្រៃដែលគ្មានមនុស្សរស់នៅ ដែលមានឆ្នេរខ្សាច់ពណ៌សយ៉ាងស្រស់ស្អាតចំនួនប្រាំពីរ។ គេអាចធ្វើដំណើរទៅកោះនេះដោយគ្រាន់តែជិះតាក់ស៊ីសែសិបប្រាំនាទី ពីឆ្នេរសមុទ្រមក។
កោះកុងរីករាយនឹងគម្រោងអភិវឌ្ឍន៍ ទេសចរណ៍មួយចំនួនដែលធ្វើអោយខេត្តនេះក្លាយជាទិសដៅទេសចរណ៍ដ៏ អស្ចារ្យមួយ។ ខេត្តនេះតភ្ជាប់ទៅទីក្រុងភ្នំពេញ និងខេត្តព្រះសីហនុ ដោយស្រែអំបិល តាមរយៈផ្លូវជាតិលេខ៤។ ផ្លូវទើបកសាងថ្មីនេះផ្ដល់អោយភ្ញៀវនូវ ជម្រើសមួយទៀតដើម្បីទៅដល់ខេត្តតាមផ្លូវជាតិ។ ផ្លូវនេះត្រូវបានគេណែនាំសម្រាប់អ្នកដែលស្រលាញ់ធម្មជាតិ ហើយផ្លូវនេះកាត់តាមតំបន់ដែលមានការអភិវឌ្ឍតិចបំផុតរបស់ប្រទេស កម្ពុជា គឺតំបន់ភ្នំក្រវាញ។ ព្រៃភ្នំដ៏ក្រាស់ ស្ទឹង និងទឹកធ្លាក់ដ័ស្រស់ស្អាត និងរង្វាន់នៃការផ្សងព្រេងជាមួយកន្លែងដែលមានទេសភាពស្រស់ស្អាត សម្រាប់អ្នកឈប់តាមផ្លូវ និងសម្រាប់ការថតរូបយ៉ាងពិសេស។
ព្រៃកោងកាងដុះលាតសន្ធឹងពីឆ្នេរកែបរហូតដល់ខេត្តកោះកុង ដែលគ្របដណ្ដប់ផ្ទៃដីច្រើនជាង ៥០,០០ហិកតាក្នុងខេត្តកោះកុង។ ព្រៃកោងកាងជាដើមឈើតំបន់ត្រូពិកពិសេសដែលអាចដុះតាមជាយសមុទ្រ ជាកន្លែងប្រសព្វរវាងព្រៃ និងសមុទ្រ។ ព្រៃដុះតាមសមុទ្រទាំងនេះ ជាកន្លែងបង្កាត់ពូជសម្រាប់បង្គា មឹក ក្ដាម គ្រំ ខ្យង និងត្រី ជាពិសេសការជិះទូកដែលហាក់ដូចជារីករាយនឹងផ្ទៃទឹកជាជាងនៅក្នុង ទឹក។ ទីនោះក៏ជាជម្រកសម្រាប់សំបុកសត្វរស់នៅតាមឆ្នេរសមុទ្រមួយចំនួន ដូចជាបក្សី បង្គួយ កន្ធាយសមុទ្រ និងប្រភេទសត្វមួយចំនួនទៀត៕
សូមទស្សនា រូបភាព ខាងក្រោម
ដោយ៖ វណ្ណៈ
ប្រភព៖ tourismcambodia
- តំបន់ទេសចរណ៍ ដ៏ទាក់ទាញ ទឹកជ្រោះកាទៀង (31/07/2014 14:32:00)
- ទេសចរណ៍ធម្មជាតិ ដ៏ស្រស់ស្អាត សម្បូរដោយទស្សនីយភាព ដ៏ទាក់ទាញ (29/07/2014 11:15:00)
- ប្រាសាទបុរាណខ្មែរ ដ៏អច្ឆរិយ ស្រស់ស្អាតបំផុត មានប្រវែង ៤១២ម៉ែត្រ (28/07/2014 09:44:00)
- រយៈពេល ២ម៉ោង ទឹកទន្លេធម្មតា ប្រែទៅជាទន្លេឈាម ដ៏ចម្លែក (25/07/2014 13:41:00)
- ស្ពានអាកាសធ្វើពីខ្សែកាប ដ៏រន្ធត់ មានកម្ពស់ ២,៦៥១ ម៉ែត្រ (25/07/2014 09:07:00)
- ទឹកធ្លាក់ធម្មជាតិ ដ៏ចម្លែក មានរាងដូចផ្លែផ្សិត ពោរពេញដោយទិដ្ឋភាព ដ៏ស្រស់ស្អាត (24/07/2014 09:09:00)
- ជណ្តើរឋានសួគ៌ ដ៏អច្ឆរិយ មានកម្ពស់ខ្ពស់ សាងសង់ជាប់ជញ្ជាំងភ្នំ (23/07/2014 09:54:00)
- រមណីយដ្ឋានធម្មជាតិ ដ៏ទាក់ទាញ កោះខ្សាច់ (22/07/2014 09:43:00)
- ឆ្នេរខ្សាច់ធម្មជាតិ ដ៏ស្រស់ស្អាត ពោរពេញទៅដោយ ទិដ្ឋភាពដ៏រ៉ូម៉ែនទិច (21/07/2014 11:27:00)
- រមណីយដ្ឋានធម្មជាតិ ដ៏ទាក់ទាញ ពោរពេញដោយទេសភាព ដ៏ស្រស់ត្រកាល បារាយណ៍អណ្តែត (10/07/2014 10:21:00)