ខេត្តកណ្តាល ៖ ក្រុមយុវសិស្ស ៩នាក់ ជិះទូកត្រឡប់ទៅ ផ្ទះវិញ លិចទូកលង់ស្លាប់ម្នាក់និង
៨នាក់ហែល រួច ខណះចេញពីសាលារៀន ហេតុការណ៍ នេះ កើតឡើងកាលពីវេលាម៉ោង
១១និង០០នាទី ថ្ងៃទី១៤ ខែតុលា ឆ្នាំ២០១៣ ស្ថិតនៅក្នុងភូមិព្រែកចារ ឃុំសំបួរ ស្រុកល្វាឯម
ខេត្តកណ្តាល ។
សាក្សីកន្លែងកើតហេតុបានឲ្យដឹងថា យុវសិស្សដែលលង់ទឹកស្លាប់នោះមាន ឈ្មោះ វ៉ាន់ គឹម
សេង ភេទប្រុស អាយុ១៥ឆ្នាំ រស់នៅភូមិឃុំកើត ហេតុខាងលើ ជាសិស្សរៀនថ្នាក់ទី១០បេ នៃ
វិទ្យាល័យហ៊ុនសែន ល្វាស ។ ចំណែកឯ៨ នាក់ទៀតពុំត្រូវបានគេស្គាល់ឈ្មោះនោះទេ ។
សាក្សីដដែលបានបន្តថា មុនពេលកើតហេតុ ជនរងគ្រោះរួមនឹងមិត្តភក្តិចំនួន៨នាក់ទៀតមាន
ស្រី២នាក់ បានជិះទូកត្រឡប់មកផ្ទះវិញ ខណៈ ចេញពីសាលារៀនលុះមកដល់ត្រង់ចំណុចកើត
ហេតុ ដោយសាតែ ទឹកហូខ្លាំងពេកទើបបោកទូកក្រឡាបលិចតែម្តទៅ ធ្វើឲ្យជនរង គ្រោះមិន
ចេះហែលទឹកក៏លិចចូលក្នុង ទឹកលង់ស្លាប់ រីឯមិត្តភក្តិរបស់ជនរងគ្រោះ ទាំង៨នាក់រួចផុតជីវិត
ដោយសារ ចេះហែលទឹក។ បន្ទាប់ពីកើតហេតុ នគរបាលចុះទៅ ពិនិត្យសាកសពរួច ហើយក៏
ប្រគល់ សាកសពទៅឲ្យក្រុម គ្រួសារ យកទៅធ្វើបុណ្យតាមប្រពៃណី៕
ដោយ៖ ដើមអំពិល
ផ្តល់សិទ្ធិដោយ៖ ដើមអំពិល