ព័ត៌មានកំសាន្ត ៖ បងថ្លៃ និងប្អូនថ្លៃ នៅក្នុងរឿង "បេះដូងលាក់ស្នេហ៍" បានធ្វើឲ្យអ្នកដែលទស្សនាសាច់រឿងនេះ មានការភ្ញាក់ផ្អើលយ៉ាងខ្លាំង ក្រោយពីបានដឹងថា អ្នកទាំង ២ គឺប្តីប្រពន្ធនឹងគ្នា ។
អ្នកនាង សូ ចាល ដែលជាតួអង្គនៅក្នុងបេះដូងលាក់ស្នេហ៍ នាងមានឈ្មោះពិតប្រាកដថា Shalmalee Desai ដែលត្រូវជាបងថ្លៃលោក សា លុក ហើយលោកមានឈ្មោះពិតប្រាកដថា Avinash Sachdev ដែលជាស្វាមីពិតប្រាកដ របស់អ្នកនាង សូ ចាល ។
គួររំលឹកឲ្យដឹងថា លោក Avinash Sachdev និង អ្នកនាង Shalmalee Desai បានរៀបអាពាហ៍ពិពាហ៍នៅថ្ងៃទី ១២ ខែមិថុនា ឆ្នាំ ២០១៥ ។
ប្តីប្រពន្ធពិតប្រាកដមួយនេះទើបតែបានប្រារព្ធពិធីខួបអាពាហ៍ពិពាហ៍រយៈពេល ១ ឆ្នាំដែលពួកគេបានរៀបការជាមួយគ្នា កាលពីពេលថ្មីៗនេះដែរទេ ប៉ុន្តែពុំសូវមានការភ្ញាក់ផ្អើលឡើយ ពោលគឺ ប្រារព្ធពិធីខួបអាពាហ៍ពិពាហ៍យ៉ាងស្ងៀមស្ងាត់ ។
គួរបញ្ជាក់ឲ្យដឹងថា សូ ចាលនិង សា លុក ត្រូវបានគេដឹងថា អ្នកទាំង ២ គឺជាបងថ្លៃ និងប្អូនថ្លៃ នៅក្នុងរឿង "បេះដូងលាក់ស្នេហ៍" ដែលជាសាច់រឿងដែលពោរពេញទៅដោយការអប់រំ នឹងជារឿងដែលអូសក្រឡាទៀតផង ៕
ដោយ ៖ គន្ធា
ប្រភព ៖ instagram