CamNews

​រតន​គ​រី​៖​ ​មន្ត្រី​កសិកម្ម​ខេត្តរតនគិរី​ ​បាន​ឲ្យដឹង​នៅ​ថ្ងៃ​ចន្ទ​នេះ​ថា​ ​សត្វ​ជ្រូក​ជាង​ ​៧០០ក្បាល​ ​នៅ​ស្រុក​អូរជុំ​ ​ត្រូវ​បាន​ឈឺ​ងាប់​ ​និង​កម្ទេច​ចោល​ ​ក្រោយពី​ឆ្លង​រាលដាល​ដោយ​ជំងឺ​បេ​ស្ត​ជ្រូក​អាហ្រ្វិក​។​

​ជំងឺ​ប៉េស្ត​ជ្រូក​អាហ្​រិ្វ​ក​ ​ដែល​បាន​ផ្ទុះឡើង​នៅ​ស្រុក​អូរយ៉ាដាវ​ ​ខេត្តរតនគិរី​ ​កាលពី​ចុងខែ​មីនា​ ​បាន​ឆ្លង​រាលដាល​ដល់​ស្រុក​អូរជុំ​ ​កាលពី​អំឡុង​មុន​ពិធីបុណ្យ​ចូលឆ្នាំ​ខ្មែរ​ ​ដែល​ធ្វើឲ្យ​សត្វ​ជ្រូក​ដែល​ប្រជាពលរដ្ឋ​បាន​ចិញ្ចឹម​តាម​ផ្ទះ​នោះ​ ​បាន​ឈឺ​ ​និង​ងាប់​ជាបន្តបន្ទាប់​។​

​ប្រធានមន្ទីរ​កសិកម្ម​ ​រុក្ខាប្រមាញ់​ ​និង​នេសាទ​ខេត្តរតនគិរី​ ​លោក​សយ​ ​សូ​ណា​ ​បាន​មានប្រសាសន៍​ថា​ ​គិត​មកដល់​ម្សិលមិញ​ ​សត្វ​ជ្រូក​ជាង​ ​៧០០ក្បាល​ ​ត្រូវ​បាន​ឈឺ​ងាប់​ ​និង​ត្រូវ​បាន​មន្ត្រី​ជំនាញ​ធ្វើការ​ដុត​កម្ទេច​ចោល​ ​ក្រោយពី​បាន​រក​ឃើញថា​មាន​ផ្ទុក​ជំងឺ​ប៉េស្ត​ជ្រូក​អាហ្រ្វិក​។​ ​

លោក​ថា​៖​ ​«​បច្ចុប្បន្ន​ ​មន្ត្រី​របស់​យើង​បាន​និង​កំពុង​បន្ត​តាមដាន​ឃ្លាំមើល​បន្ថែម​ទៀត​ពី​បញ្ហា​នេះ​ ​ព្រោះ​មេរោគ​ហ្នឹង​យើង​មើល​អត់​ឃើញ​ ​ហើយ​សត្វ​ជ្រូក​ដែល​ឆ្លង​ជំងឺ​នេះ​វា​អត់មាន​ចេញ​រោគសញ្ញា​លើ​ស្បែក​ ​ដូចជា​កន្ទួល​ក្រហម​អី​ទេ​ ​អីចឹង​ហើយ​យើង​កំពុង​តាមដាន​ ​និង​ស្រាវជ្រាវ​បន្ថែម​ថា​តើ​ជំងឺ​នេះ​កើតមក​ពីណា​»​។​

​លោក​សូ​ណា​ ​បន្ត​ថា​ ​បច្ចុប្បន្ន​ ​បើ​ទោះជា​មានការ​ហាមឃាត់​ការ​ដឹកជញ្ជូន​សត្វ​ជ្រូក​ពី​ឃុំ​មួយ​ទៅ​ឃុំ​មួយ​ ​ឬ​ពី​ស្រុក​មួយ​ទៅ​ស្រុក​មួយ​ ​ប៉ុន្តែ​នៅតែ​មាន​ពលរដ្ឋ​មួយចំនួន​ ​នៅតែ​បន្ត​ដឹក​សាច់​ជ្រូក​ ​និង​ចំណី​ជ្រូក​លក់​តាម​ភូមិ​ ​ដែល​ធ្វើឲ្យ​មន្ត្រី​ជំនាញ​ជួប​ឧបសគ្គ​ក្នុង​ការទប់ស្កាត់​។​ ​

លោក​ថា​៖​ ​«​ណាមួយ​ខែ​ហ្នឹង​ខែ​ក្តៅ​ ​សត្វ​ជ្រូក​ដែល​គាត់​ចិញ្ចឹម​លក្ខណៈ​គ្រួសារ​នោះ​ ​វា​អត់មាន​ចំណី​ ​ដែល​ធ្វើឲ្យ​អ្នកភូមិ​ត្រូវ​ទិញ​ចំណី​ឲ្យ​សត្វ​ជ្រូក​ ​អីចឹង​យើង​ក៏​សង្ស័យ​ថា​វា​អាច​ឆ្លងតាម​រយៈ​ចំណី​នោះ​ ​ហើយ​មួយទៀត​វា​អាច​ឆ្លងតាម​សត្វ​ជ្រូកព្រៃ​ដែល​វា​អាច​មាន​ជំងឺ​នេះ​ដែរ​ ​ព្រោះ​សត្វ​ជ្រូក​ដែល​ពលរដ្ឋ​ចិញ្ចឹម​នោះ​គឺ​ពួកគាត់​លែង​ឲ្យ​វា​ដើរ​ស៊ី​ចំណី​តា​មក​ម្ពោ​ធ​ព្រៃ​ដែរ​ ​អីចឹង​យើង​កំពុង​សិក្សា​រក​មូលហេតុ​លើ​រឿង​ហ្នឹង​»​។​

​ប្រជាពលរដ្ឋ​រស់នៅ​ឃុំ​ប៉ក់ញ៉ៃ​ ​ស្រុក​អូរយ៉ាដាវ​ ​លោ​ករ​ម៉ាស់​ ​ឆ្វាត់​ ​បាន​ឲ្យដឹង​នៅ​ថ្ងៃ​ចន្ទ​នេះ​ថា​ ​សត្វ​ជ្រូក​ដែល​លោក​បាន​ចិញ្ចឹម​ចំនួន៦ក្បាល​ ​រួម​និង​សត្វ​ជ្រូក​របស់​អ្នកភូមិ​មួយចំនួន​ ​ក៏បាន​ងាប់​ជាបន្តបន្ទាប់​ដែរ​ក្នុង​អំឡុង​ខែមេសា​នេះ​។​

​លោក​ថា​៖​ ​«​ពួក​ខ្ញុំ​មិនដឹង​ថា​ងាប់​ដោយសារ​មូលហេតុ​អី​ទេ​ ​មិនដឹង​ថាម​ក​ពី​អាកាសធាតុ​ក្តៅ​ខ្លាំង​ ​ឬ​ដោយសារ​ជំងឺ​ប៉េស្ត​ជ្រូក​អាហ្វ្រិក​នេះ​ទេ​ ​ហើយ​យើង​ក៏​មិនទាន់​ឃើញ​មន្ត្រី​កសិកម្ម​ចុះ​មក​ឃុំ​យើង​នៅឡើយ​ ​ប៉ុន្តែ​បានឃើញ​ពួកគេ​ចុះទៅ​ឃុំ​ក្បែរ​ហ្នឹង​ ​ដោយ​បាញ់ថ្នាំ​សម្លាប់​មេរោគ​ ​និង​អប់រំ​ផ្សព្វផ្សាយ​ដល់​ពលរដ្ឋ​នៅ​ទីនោះ​ដែរ​»​។​

​លោ​ករ​ម៉ាស់​ ​ឆ្វាត់​ ​បាន​ស្នើ​ដល់​មន្ត្រី​ជំនាញ​ចុះទៅ​ពិនិត្យ​នៅ​តំបន់​របស់​គាត់​រស់នៅ​ ​និង​បាញ់ថ្នាំ​សម្លាប់​មេរោគ​ ​ដើម្បី​ការពារ​ជំងឺឆ្លង​នោះ​ ​ខណៈ​ដែល​ពួកគាត់​រស់នៅ​ពឹង​អាស្រ័យ​លើ​ការ​ចិញ្ចឹមសត្វ​ ​ដើម្បី​ជួយ​ទំនុកបម្រុង​ជីវភាព​។​

​កាលពី​ថ្ងៃទី១១ខែមេសា​ ​អភិបាលខេត្ត​រតនគិរី​ ​លោក​ថង​ ​សា​វុន​ ​បាន​ចេញ​សេចក្តី​ណែនាំ​មួយ​ដល់​មន្ត្រី​ជំនាញ​ ​អាជ្ញាធរ​ ​និង​ប្រជាពលរដ្ឋ​ក្នុង​មូលដ្ឋាន​ ​ត្រូវ​អនុវត្ត​នូវ​វិធានការ​មួយចំនួន​ ​ក្នុង​ការទប់ស្កាត់​ចលនា​នាំចេញ​ចូល​សត្វ​ជ្រូក​ ​សាច់​ជ្រូក​ ​និង​ផលិតផល​ចេញពី​សត្វ​ជ្រូក​នៅក្នុង​ខេត្ត​នេះ​ ​ដើម្បី​បញ្ចៀស​ការ​ឆ្លង​រាលដាល​នៃ​ជំងឺ​ប៉េស្ត​ជ្រូក​អាហ្រ្វិក​។​

​លោក​ថា​៖​ ​«​សមត្ថកិច្ច​តាម​ច្រក​ទ្វារ​ព្រំដែន​អន្តរជាតិ​ ​និង​សមត្ថកិច្ច​ពាក់ព័ន្ធ​ទាំងអស់​ ​ត្រូវ​ធ្វើការ​ហាមឃាត់​ ​និង​ទប់ស្កាត់​ការ​ចរាចរ​សត្វ​ជ្រូក​ ​និង​ផលិតផល​សត្វ​ជ្រូក​គ្រប់​ប្រភេទ​ដែល​គ្មាន​លិខិតអនុញ្ញាត​ ​និង​មិន​ត្រូវ​អនុញ្ញាត​ឲ្យ​នាំចេញ​សត្វ​ជ្រូក​ ​សាច់​ជ្រូក​ ​និង​ផលិតផល​មាន​ដើមកំណើត​ពី​សត្វ​ជ្រូក​ ​ចេញពី​ខេត្តរតនគិរី​ជាដាច់ខាត​ ​លុះត្រាតែ​មានការ​ជូនដំណឹង​ជាថ្មី​»​។​

​ចាប់តាំងពី​ជំងឺ​ប៉េស្ត​ជ្រូក​អាហ្វ្រិក​ ​បាន​ផ្ទុះឡើង​នៅ​ស្រុក​អូរយ៉ាដាវ​ ​កាលពី​ថ្ងៃទី២២ខែមីនា​មក​ ​មាន​សត្វ​ជ្រូក​ជិត​ ​៦០០ក្បាល​នៅក្នុង​ស្រុក​នេះ​ ​ដែល​ត្រូវ​បាន​មន្ត្រី​ជំនាញ​សម្លាប់​និង​ដុត​កម្ទេច​ចោល​។​

​បើ​តាម​មន្ត្រី​ក្រសួង​កសិកម្ម​ ​និង​អង្គការ FAO​ ​ជំងឺ​ប៉េស្ត​ជ្រូក​អាហ្រ្វិក​ ​មិនមែន​ជា​ហានិភ័យ​ដល់​សុខភាព​មនុស្ស​ទេ​ ​ប៉ុន្តែ​ជំងឺ​នេះ​ ​ជា​ហានិភ័យ​ដល់​ជ្រូកស្រុក​ ​និង​ជ្រូកព្រៃ​ ​ដោយសារ​មេរោគ​អាច​រស់​បាន​រយៈពេល​យូរ​ក្នុង​សាច់​ជ្រូក​កែច្នៃ​ ​សាច់​ជ្រូក​សម្ងួត​ ​និង​សាច់​ជ្រូក​ប្រឡាក់​ ​ដែល​សាច់​ទាំងនោះ​ត្រូវ​បាន​នាំទៅ​កាន់​កសិដ្ឋាន​តាមរយៈ​ការ​ផ្តល់​កាកសំណល់​ផ្ទះបាយ​ជា​ចំណី​ជ្រូក​។​ ​បច្ចុប្បន្ន​ ​មិន​មាន​វិធី​ព្យាបាល​ជំងឺ​នេះ​ឲ្យ​ជាសះស្បើយ​ ​និង​មិនទាន់​មាន​ថ្នាំបង្ការ​ ​ឬ​ការ​ព្យាបាល​ណាមួយ​ដែល​មាន​ប្រសិទ្ធិ​ភាព​នៅឡើយ​ ​ដូច្នេះ​នៅពេល​ដែល​សត្វ​ជ្រូក​ឆ្លង​ជំងឺ​នេះ​ ​វិធានការ​តែមួយគត់​គឺ​កម្ទេច​ហ្វូង​ជ្រូក​ដែល​ទទួលរង​ផល​ប៉ះពាល់​ ៕