ភ្នំពេញ៖ តាមសេចក្តីរាយការណ៍ បានឲ្យដឹងថា នៅវេលាម៉ោងប្រមាណជិត១៖៥០នាទីយប់ ចូលថ្ងៃទី០៥ ខែកញ្ញា ឆ្នាំ២០១៥ មានករណីអគ្គិភ័យ មួយបានកើតឡើង នៅផ្ទះប្រជាពលរដ្ឋមួយកន្លែង រកស៊ីលក់ស្បែកជើង ស្ថិតនៅតាម បណ្តោយផ្លូវលេខ ៣១៨ សង្កាត់ទួលស្វាយព្រៃទី១ ខណ្ឌចំការមន ខាងត្បូងផ្សារអូឡាំពិក។
ក្នុងហេតុការណ៍អគ្គិភ័យនេះ បានឆេះរថយន្តមួយគ្រឿង និងម៉ូតូជាច្រើនគ្រឿង រួមនិងសម្ភារៈមួយចំនួនទៀត, ហើយការឆាបឆេះនេះ ត្រូវបានរថយន្តពន្លត់អគ្គិភ័យ ៤-៥ ចេញអន្តរាគមន៍ បាញ់ពន្លត់ទាំងស្រុង នៅម៉ោងប្រមាណ ២ យប់ ថ្ងៃទី៥ ខែកញ្ញា៕
ផ្ដល់សិទ្ធដោយ៖ ដើមអម្ពិល