Sofia Vergara ត្រូវបានគេទទួលស្គាល់ថា ជាតារាដែលរកចំណូលបានច្រើនជាងគេបំផុត ក្នុងឆ្នាំនេះ
កំពូលតារាសំដែងស្រីទាំង១០ នៅក្នុងបញ្ជីរាយឈ្មោះរបស់យើងក្នុងឆ្នាំនេះ បានរកប្រាក់ចំណូល សរុប ១៤០លានដុល្លារអាមេរិក ចាប់ពីខែមិថុនា ឆ្នាំ២០១៣ រហូតដល់ខែមិថុនា ឆ្នាំ២០១៤ ដែលវាខុសគ្នាឆ្ងាយ ពីចំណូលដែលតារាសំដែងប្រុស អាចរកបានរហូតដល់ទៅ ២១៤លានដុល្លារអាមេរិក។ ក៏ប៉ុន្តែឥលូវនេះ គ្មាននរណា អាចយកឈ្នះ នារីម្នាក់ ដែលមានអំណាចនៅក្នុងប៉ុស្តិ៏ទូរទស្សន៏បានទេ នោះគឺ Sofia Vergara។
Sofia គឺជាជនជាតិកូឡុំប៊ី ជាបចំណាត់ថ្នាក់លេខ១ ក្នុងរយៈពេលបីឆ្នាំផ្ទួនៗ ជាមួយនឹង ចំណូលដ៏គួរឲកត់សំគាល់ ៣៧លានដុល្លារអាមេរិក ក្នុងឆ្នាំនេះ ដែលច្រើនជាង តារាសំដែង ប្រុស ដែលរកចំណូល បានច្រើនជាងគេ ទៅទៀត គឺលោក Ashton Kutcher ដែលចំណូល របស់គាត់មានត្រឹមតែ ២៦ លានដុល្លារអាមេរិក ប៉ុណ្ណោះ។ មិនត្រឹមតែប៉ុណ្ណឹងទេ នាងអាចរកប្រាក់ពីការថតកុនបាន ដល់ទៅ ៣២៥,០០០ ដុល្លារអាមេរិក ក្នុងមួយវគ្គ ។
ការមានវត្តមានរបស់នាង Sofia នៅក្នុងកម្មវិធីពានរង្វាន់ Emmy ក្នុងឆ្នាំនេះ ប្រហែលជា ធ្វើឲទស្សនិកជនស្រីៗ មានការប្រណែនហើយ។ នាងមិនត្រឹមតែមាន សម្រស់ស្អាត ប៉ុណ្ណោះទេ នាងថែមទាំងជា អ្នកចូលរួមបង្កើត Latin World Entertainment ដែលជាអាណាចក្រ រកចំណូលបានរាប់ លានដុល្លារ ថែមទៀតផង។ ថ្មីៗនេះ អ្នកគ្រប់គ្រងទេពកោសល្យ និង សហគ្រាសទីផ្សារកំសាន្ត បានសហការគ្នាជាមួយ CNET ដើម្បីដាក់ ឲដំណើរការ គេហទំព័រ ពត៌មានបច្ចេកវិទ្យា ដែលនិយាយជាភាសា អេស៉្បាញ។ ដើមឆ្នាំនេះ នាងក៏បានដាក់ឲ ដំណើរការ គ្រឿងក្រអូប ឲHSN និងបានសំដែងរឿង ដែលមានចំនងជើងថា Chef ទៀតផង ដែលរកបាន ៣០លានដុល្លារអាមេរិកសំរាប់ការលក់សំបុត្រ។ បើយើងបូកសរុប ចំណូលរបស់ Sofia ត្រួសៗ និងចំណូលខាងក្រៅថែមទៀត នាងគឺជាតារាសំដែងស្រី ដែលទទួលបាន ចំណូលច្រើនជាងគេបំផុត ក្នុងឆ្នាំនេះ។
ប្រែសំរួលដោយ៖ ដាណា
ប្រភព៖ forbes
តារា ដែលមើលច្រើន
