CamNews

ស្វែងរកកំរិតខ្ពស់
ព័ត៌មានជាតិ 

នៅម៉ោង៩យប់នេះ សម្តេច​ក្រឡាហោម ស ខេង នឹងផ្តល់ភ្លើងបូជាសពជំនួយការផ្ទាល់ នៅវត្តទួលទំពួង

(ភ្នំពេញ)៖ សម្តេច​ក្រឡាហោម ស ខេងឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ នឹងផ្តល់ភ្លើងបូជាសព លោក ​អ៊ុយ ស៊ីម ជាជំនួយការផ្ទាល់, ទីប្រឹក្សា និងជានាយកខុទ្ទកាល័យ នៅវត្តទួលទំពួង នាវេលាម៉ោង៩យប់ ថ្ងៃទី២២ ខែមេសា ឆ្នាំ២០១៦។

សពលោក ​អ៊ុយ ស៊ីម នឹងត្រូវដង្ហែរទៅកាន់វត្តទួលទំពួង នៅម៉ោង៤រសៀល ថ្ងៃទី២២ ខែមេសា ឆ្នាំ២០១៦ នឹងបូជាសព ដោយមានការផ្តល់ភ្លើងបូជា ពីសំណាក់ សម្តេច​ក្រឡាហោម ស ខេងឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ ដោយផ្ទាល់នៅម៉ោង៩យប់ថ្ងៃដដែលនោះ។

ចំណែកពិធីបុណ្យគម្រប់ខួប៧ថ្ងៃ ឧទ្ទិសកុសលជូនចំពោះ វិញ្ញាណក្ខ័ន្ធ លោក អ៊ុយ ស៊ីម នឹងប្រព្រឹត្តទៅនៅថ្ងៃទី២៤ និង២៥ ខែមេសា ឆ្នាំ២០១៦ ខាងមុខនេះ។

ទាក់ទងនឹងការរៀបចំពិធីបុណ្យសព លោក អ៊ុយ ស៊ីមនេះ កាលពីថ្ងៃម្សិលមិញ សម្តេចក្រឡាហោម ស ខេង ឧបនាយករដ្ឋមន្រ្តីរដ្ឋ មន្រ្តីក្រសួងមហាផ្ទៃ បានសម្រេចបង្កើតគណៈកម្មាការ រៀបចំបុណ្យសព លោក អ៊ុយ ស៊ីម ជំនួយការផ្ទាល់ និង ជាទីប្រឹក្សា និងជា នាយក ខុទ្ទកាល័យសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃទី២១ ខែមេសា។

គួរបញ្ជាក់ថា លោក អ៊ុយ ស៊ីម ជា ជំនួយការ ជាទីប្រឹក្សា និងជានាយកខុទ្ទកាល័យ សម្តេចក្រឡាហោមស ខេងឧបនាយករដ្ឋមន្រ្តី និង ជារដ្ឋមន្រ្តីក្រសួងមហាផ្ទៃ បានទទួលមរណភាព វេលាម៉ោង ១៖០៥នាទី កាលពីថ្ងៃអង្គារ ទី១៩ ខែមេសា ឆ្នាំ២០១៦ ក្នុងជន្មាយុ ៦៩ ឆ្នាំ ដោយរោគគាពាធ៕







ផ្តល់សិទ្ធិដោយ ៖ ហ្រ្វេសញូវអាសុី 


Tags: Phnom penh,  Local news, 

ព័ត៌មានជាតិ ដែលមើលច្រើន

ព័ត៌មានដែលមើលច្រើន