ចិន នឹងសិក្សាលទ្ធភាព សាងសង់ រថភ្លើងផ្លូវទោលនៅភ្នំពេញ
ក្រសួងសាធារណការ និងដឹកជញ្ជូនបានឱ្យដឹងថាអ្នកជំនាញចិននឹងធ្វើការសិក្សាពីលទ្ធភាពសម្រាប់គម្រោងសាងសង់ រថភ្លើងផ្លូវទោល (Monorail) នៅរាជធានីភ្នំពេញ។
ក្នុងអំឡុងពេលធ្វើដំណើរទស្សនៈកិច្ចមួយ ទៅទីក្រុង Chongqing ដែលជាទីក្រុងធំមួយនៅភាគនិរតីប្រទេសចិន រដ្ឋមន្រ្តីក្រសួងសាធារណការកម្ពុជា លោក ស៊ុន ចាន់ថុល បានជួបជាមួយលោក Zhou Keqin អនុប្រធាននៃសន្និសីទពិគ្រោះយោបល់នយោបាយប្រជាជនចិន ដែលជាស្ថាប័នពិគ្រោះយោបល់ផ្នែកនយោបាយនៅក្នុងប្រទេសចិន។
លោក Zhou បានប្រាប់រដ្ឋមន្រ្តីកម្ពុជាថា នាពេលអនាគតប្រទេសចិននឹងបញ្ជូនក្រុមអ្នកជំនាញការចិនមួយក្រុម ដើម្បីធ្វើការសិក្សាអំពីការសាងសង់គម្រោង ផ្លូវទោលសម្រាប់រថភ្លើង នៅភ្នំពេញ។
យោងតាមសាររបស់ លោក Zhou នៅលើបណ្តាញហ្វេសប៊ុក បានឱ្យដឹងថា ការសិក្សានេះនឹងជាផ្នែកមួយនៃកិច្ចសហប្រតិបត្តិការរវាងសាលាក្រុង Chongqing និងក្រសួងសាធារណការរបស់ប្រទេសកម្ពុជា ដោយបន្ថែមថា វាក៏ផ្តោតទៅលើការបណ្តុះបណ្តាលធនធានមនុស្សរបស់ព្រះរាជាណាចក្រកម្ពុជា នៅក្នុងវិស័យដឹកជញ្ជូនផងដែរ។
លោក ស៊ុន ចាន់ថុល បាននិយាយថា លោករំពឹងថាកិច្ចសហប្រតិបត្តិការនេះ នឹងជំរុញការអភិវឌ្ឍហេដ្ឋារចនាសម្ព័ន្ធដឹកជញ្ជូននៅកម្ពុជា។
សូមបញ្ជាក់ថាការសិក្សាលទ្ធភាពសម្រាប់ប្រព័ន្ធដឹកជញ្ជូនតាមផ្លូវ ឆ្លងកាត់ដោយស្វ័យប្រវត្តិ (AGT) ដែលជាប្រព័ន្ធដឹកជញ្ជូនសាធារណៈដើរដោយចរន្តអគ្គិសនីនៅទីក្រុងភ្នំពេញឥឡូវនេះកំពុងត្រូវបានសិក្សាដោយទីភ្នាក់ងារសហប្រតិបត្តិការអន្តរជាតិជប៉ុន (JICA) ៕
ប្រភព ៖ khmertimes
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)