(ភ្នំពេញ)៖ កីឡាការិនីតេក្វាន់ដូជួរមុខកម្ពុជា ស៊ន សៀវម៉ី នឹងទទួលបានប្រាក់រង្វាន់លើកចិត្តបន្ថែមទៀតពីណាហ្គាវើលស្អែកនេះ ដែលជាប្រាក់ឧបត្ថម្ភបន្ថែម ជុំវិញកញ្ញាឈ្នះបានមេដាយមាស១គ្រឿង និងសិទ្ធិចូលរួមប្រកួតកីឡាអូឡាំពិក រដូវក្តៅ នៅទីក្រុង Rio de Janeiro ឆ្នាំ២០១៦ នេះបើតាមការឲ្យដឹងពីលោក វ៉ាត់ ចំរើន អគ្គលេខាធិការគណៈ កម្មាធិការជាតិអូឡាំពិកកម្ពុជា (NOCC) ។
តែយ៉ាងណាក៏ដោយ អគ្គលេខាធិការខាងលើ មិនបានបញ្ជាក់ថា នឹងទទួលបានប្រាក់រង្វាន់ប៉ុន្មាននោះទេ ក្រៅពីទទួលបានប្រាក់រង្វាន់ ៩៣លានរៀលរួចហើយ ទៅតាមអនុក្រឹត្យរបស់រាជរដ្ឋាភិបាលកម្ពុជា កាលពីចុងខែមេសា ឆ្នាំ២០១៦ កន្លងទៅថ្មីៗនេះក្នុងការឈ្នះមេដាយមាស១គ្រឿង និងមេដាយប្រាក់១គ្រឿងដូចគ្នា ៕
ផ្តល់សិទ្ធិដោយ ៖ ហ្រ្វេសញ៉ូវអាសុី