(ភ្នំពេញ)៖ បុរសម្នាក់បានយកសាំងដុតខ្លួនឯង បណ្តាលឲ្យឆេះរលួយពេញខ្លួនប្រាណ ស្ទើរស្លាប់ ដោយហេតុការណ៍នេះ បានកើតឡើង នារសៀលថ្ងៃទី៩ ខែឧសភា ឆ្នាំ២០១៦នេះ នៅតាមផ្លូវ ៣៨៨ សង្កាត់ទួលស្វាយព្រៃទី១ ខណ្ឌចំការមន។
សមត្ថកិច្ចមូលដ្ឋាន បានបញ្ជាក់ថា ករណីដែលបុរសខាងលើ យកសាំងចាក់ដុតសម្លាប់ខ្លួនឯងនេះ នៅមិនទាន់ដឹងមូលហេតុ ពិតនៅឡើយទេ ហើយពេលនេះជនរងគ្រោះត្រូវបានសមត្ថកិច្ច បញ្ជូនទៅសង្គ្រោះនៅមន្ទីរពេទ្យភ្លាមៗផងដែរ។
ប៉ុន្តែបើតាមសម្តីអ្នកនៅកន្លែងកើតហេតុ និយាយថា បុរសចាក់សាំងដុតខ្លួនឯងនោះ ព្រោះខឹងប្រពន្ធយកកូនចេញពីផ្ទះ ទើបគាត់សម្រេចចិត្តយ៉ាងដូច្នេះ៕
ផ្តល់សិទ្ធិដោយ ៖ ហ្រ្វេសញ៉ូវអាសុី