ស្ងាត់ៗ ឈិត សុវណ្ណបញ្ញា ចូលផលិតកម្មរបស់ ជី ដេវីត
ភ្នំពេញ៖ ប្រិយមិត្តប្រកដជាបានដឹងរូចមកហើយ ពីតារាចម្រៀងប្រុសលោក ងួន ចាន់ដេវីត ដែលបានចាកចេញពីផលិតកម្ម រស្មីហង្សមាស មកបើកផលិតកម្មខ្លូនឯង ។
កាលពីយប់មិញនេះ លោក ងួន ចាន់ដេវិត បានបង្ហោះរូបភាពមួយសន្លឹក និងសារមួយថា៖ «រង់ចាំបទថ្មីរបស់ កញ្ញា ឈិត សុវណ្ណបញ្ញា នៅក្នុង channel YouTube DIT WAY នៅថ្ងៃស្អែកម៉ោង ៧យប់ ។@រក្សាសិទ្ធដោយ : ឈិត សុវណ្ណបញ្ញា»។
ក្នុងនោះផងដែរ គេសង្កេតឃើញថាមានបណ្ដាហ្វេនមិនតិចនោះទេ បានឆ្ងល់ បន្ទាប់បានឃើញវត្តមានរបស់តារាចម្រៀងស្រីកញ្ញា ឈិត សុវណ្ណបញ្ញា នៅក្នុងផលិតកម្ម DitWay Nation ដែលជាផលិតក្មរបស់លោក ដេវីត។
បើនិយាយពីកញ្ញា ឈិត សុវណ្ណបញ្ញា វិញគេសង្កេតឃើញថា កញ្ញាតែងតែមានភាពស្និទ្ធស្នាលជាមួយនឹង កញ្ញា ទេព បូព្រឹក ដោយពួកគេតែងតែឧស្សាហ៍ជួបគ្នាជាញឹកញាប់។
យ៉ាងណាមិញ គេពុំទាន់ទទួលបានព័ត៌មានណាមួយ ពីតារាចម្រៀងស្រីដ៏មានប្រជាប្រិយភាព ឈិត សុវណ្ណបញ្ញា នៅឡើយទេថា នឹងចាកចេញពីផលិតកម្មTown ឬយ៉ាងណានោះ គឺមានតែទទឹងរង់ចាំមើលទាំងអស់គ្នា៕
កំសាន្ត ដែលមើលច្រើន
