វិនាទីនេះ លោក លោក ថោង ខុន កំពុងមុខជូបផ្ទាល់ Manny Pacquiao
(ភ្នំពេញ)៖ នៅវេលាម៉ោងប្រមាណ៩ព្រឹកថ្ងៃទី១៤ ខែធ្នូ ឆ្នាំ២០១៦នេះ លោក ថោង ខុន រដ្ឋមន្ដ្រីក្រសួងទេសចរណ៍ និងជាប្រធាន NOCC នឹងដឹកនាំមន្ដ្រីសហព័ន្ធកីឡាប្រដាល់កម្ពុជា រួមទាំងកីឡាករប្រមាណ២០នាក់ បាននឹងកំពុងជួបសំណេះសំណាលជាមួយ ស្ដេចប្រដាល់អាស៊ី Manny Pacquiao នៅសណ្ឋាគារសូហ្វីតែល រាជធានីភ្នំពេញ ទីដែលសេ្តចប្រដាល់រូបនេះស្នាក់នៅកម្ពុជាអស់មួយរាត្រី។
លោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា (NOCC) បានឲ្យដឹង ការជួបកីឡាករប្រដាល់ដ៏ល្បីលើពិភពលោក Manny Pacquiao នេះ ធ្វើឡើងតាមអនុសាសន៍របស់សម្តេចតេជោ ហ៊ុន សែន ហើយនេះគឺជាមោទនភាពមួយសម្រាប់វិស័យកីឡាកម្ពុជា ពិសេសគឺកីឡាប្រដាល់ក្បាច់គុនរាណខ្មែរ និងកីឡាប្រដាល់សាកលកម្ពុជាតែម្ដង ព្រោះ Pacquiao គឺជាកីឡាករគំរូមួយដ៏ល្អ សម្រាប់កីឡាករទូទាំងពិភពលោក រួមទាំងកម្ពុជា ហើយក៏ជាការលើកទឹកចិត្ត និងជំរុញវិស័យកីឡាប្រដាល់កម្ពុជាឲ្យកាន់តែរីកចម្រើនផងដែរ ។
លោក វ៉ាត់ ចំរើន បានបន្ថែមថា ក្រៅពីជំនួបស្វាគមន៍អ្នកប្រដាល់ជនជាតិហ្វីលីពីនខាងលើ គណៈកម្មាធិការជាតិអូឡាំពិកកម្ពុជា ក៏មានគម្រោងស្នើសុំកីឡាករ Manny Pacquiao មកទស្សនកិច្ចផ្លូវការជាលើកទី២ នៅកម្ពុជា តាមការអញ្ជើញរបស់ខ្លួនផងដែរ ដើម្បីចែករំលែកនូវបទពិសោធន៍ និងបច្ចេកទេសកីឡាប្រដាល់ ដល់កីឡាករ-កីឡាការិនីកម្ពុជានាពេលខាងមុខ។
គួរបញ្ជាក់ថា Manny Pacquiao បានធ្វើដំណើរមកដល់កម្ពុជា កាលពីល្ងាចថ្ងៃទី១៣ ខែធ្នូនេះ នៅក្នុងឱកាសអមដំណើរទស្សនកិច្ចផ្លូវរដ្ឋរបស់លោក រ៉ូឌ្រីកូ ឌូតឺតេ ប្រធានាធិបតីហ្វីលីពីន ដែលមានរយៈពេល២ថ្ងៃ ចាប់ពីថ្ងៃទី១៣-១៤ ខែធ្នូ ឆ្នាំ២០១៦នេះ៕
ផ្តល់សិទ្ធដោយ ៖ ខ្មែរថកឃីង
- ទស្សនាវិដេអូ ជើងខ្លាំង ៣៨នាក់ សុទ្ធតែសន្លប់ក្រោមកណ្តាប់ដៃរបស់អធិរាជប្រដាល់ Manny Pacquiao (02/03/2017 14:50:00)
- ដំណឹងល្អ ៖ Pacquiao សន្យានឹងមកកាន់កម្ពុជាជាថ្មីម្តងទៀត ដើម្បីជួយបង្ហាត់បង្រៀនដល់កីឡាករប្រដាល់កម្ពុជា (14/12/2016 10:00:00)
- មិនធម្មតា!Pacquiao សង់ផ្ទះ ១០០០ខ្នងឲ្យប្រជាជនក្រីក្រហ្វីលីពីនពីទឹកប្រាក់១៥០លានដុល្លារ (28/10/2016 09:49:00)
- អតីតស្តេចប្រដាល់ Manny Pacquiao ឈ្នះបានអាសនៈក្នុងព្រឹទ្ធសភាហ្វីលពីន ដែលជាក្តីសង្ឃឹម ឈោង (20/05/2016 09:05:00)
- លទ្ធផលពិន្ទុ Manny Pacquiao ប្រកួតឈ្នះកីឡាករ Timothy Bradley បន្ទាប់ពីប្រកួតទាំង១២ទឹក មុននេះបន្តិច (10/04/2016 14:26:00)