CamNews

ក្រសួង​រ៉ែ​និង​ថាមពល​ ​បានឱ្យ​ដឹង​ថា​ក្រុមហ៊ុន​រុករក​រ៉ែ​ពីរ​ ​នឹង​ចាប់ផ្តើម​ផលិត​មាស​នៅ​ប៉ុន្មាន​ខែ​ខាងមុខនេះ​។​

លោក​ ​ប៉េង​ ​ណា​វុធ​ ​អនុរដ្ឋ​លេខាធិការ​ក្រសួង​ ​បាន​ថ្លែង​ថា​ ​ក្រុមហ៊ុន​ ​Mesco​ ​Gold​ ​ដែល​គ្រប់គ្រង​ដោយក្រុម​ហ៊ុន​ឥណ្ឌា​ ​នឹង​ចាប់ផ្តើម​ទាញ​យក​រ៉ែ​មាស​បាន​នៅ​ឆ្នាំនេះ​ ​ខណៈ​ក្រុមហ៊ុន​ ​Renaissance​ ​Minerals​ ​របស់​អូស្ត្រាលី​ ​នឹង​ចាប់ផ្តើម​នៅ​ឆ្នាំ​ ​២០២០​ ​។​

លោក​ ​ណា​វុធ​ ​បាន​ថ្លែង​នៅក្នុង​វេទិកា​ស្តី​ពីអ​ភិបាល​កិច្ច​ឧស្សាហកម្ម​និស្សារណកម្ម​លើក​ទី​ ​៧​ ​ដែល​បាន​ប្រារព្ធ​ឡើង​នៅ​សណ្ឋាគារ​សាន់​វ៉េ​ ​រាជធានី​ភ្នំពេញ​។​
​នៅ​ឆ្នាំ​ ​២០១៦​ ​ក្រុមហ៊ុន​ ​Mesco​ ​Gold​ ​(​កម្ពុជា​)​ ​ត្រូវ​បាន​ផ្តល់​អាជ្ញាប័ណ្ណ​ ​រុករក​រ៉ែ​ ​ជាលើកដំបូង​នៅក្នុង​ព្រះរាជាណាចក្រ​កម្ពុជា​ ​សម្រាប់​គម្រោង​អណ្តូង​មាស​ ​ភូមិ​ ​ស៊ី​យ៉ា​រុង​ ​ក្នុង​ ​ខេត្តរតនគិរី​។​

​ក្រុមហ៊ុន​ ​Renaissance​ ​Minerals​ ​(​Cambodia​)​ ​ដែល​ជា​ក្រុមហ៊ុន​បុត្រ​សម្ព័ន្ធ​របស់​ ​Emerald​ ​Resources​ ​NL​ ​ត្រូវ​បាន​ផ្តល់​អាជ្ញាប័ណ្ណ​រុករក​រ៉ែ​នៅ​ឆ្នាំ​ ​២០១៨​ ​ដែល​គ្រប​ដណ្តប់​លើ​ផ្ទៃដី​ទំហំ​ ​១១,៥​ ​គីឡូម៉ែត្រ​ការ៉េ​ ​នៅ​គម្រោង​មាស​ ​អូ​ខ្វាវ​ ​ស្រុក​មណ្ឌលសីមា​ ​ខេត្តមណ្ឌលគិរី​។​

​លោក​ ​ណា​វុធ​ ​មិន​អាច​ផ្តល់​នូវ​ការ​ប៉ាន់ប្រមាណ​អំពី​ចំនួន​មាស​ដែល​ត្រូវ​ទាញ​យកចេញ​ ​ពី​ក្រុមហ៊ុន​នី​មួយ​ៗ​នោះ​ទេ​។​

​លោក​ ​ម៉េ​ង​ ​សុធា​រ៉ា​ ​រដ្ឋលេខាធិការ​ក្រសួង​បាន​ថ្លែង​ថា​ ​កម្ពុជា​នឹង​ក្លាយជា​ ​ទី​ចាប់អារម្មណ៍​កាន់តែ​ខ្លាំង​ចំពោះ​ក្រុម​វិនិយោគិន​ ​នៅពេល​ដែល​ខ្លួន​បាន​អនុញ្ញាតិ​ ​ឱ្យ​មានការ​រុករក​រ៉ែ​មាស​ ​និង​រ៉ែ​ប្រេង​។​

​លោក​ ​សុធា​រ៉ា​ ​បាន​មានប្រសាសន៍​ថា​ ​”​នៅពេល​យើង​ចាប់ផ្តើម​ផលិត​មាស​ ​និង​ប្រេងឆៅ​ ​ក្រុមហ៊ុន​អន្តរជាតិ​កាន់តែ​ច្រើន​ ​ចង់​វិនិយោគ​ក្នុង​វិស័យ​នេះ​”​ ​។​

​លោក​ ​John​-​Paul​ ​Dau​ ​ប្រធាន​ក្រុមហ៊ុន​ ​Angkor​ ​Gold​ ​បាន​និយាយ​ថា​ ​ក្រុមហ៊ុន​របស់​លោក​នឹង​ចាប់ផ្តើម​ផលិត​មាស​ ​ក្នុងរយៈពេល​ប្រាំ​ឆ្នាំខាងមុខ​។​

​លោក​បាន​បន្ត​ថា​ក្រុមហ៊ុន​ ​Angkor​ ​Gold​ ​មាន​អាជ្ញាប័ណ្ណ​រុករក​ប្រេង​ ​៥​ ​កន្លែង​ ​ដែល​ ​៤កន្លែង​ ​ក្នុង​ខេត្តរតនគិរី​ ​និង​មួយទៀត​នៅ​ខេត្តមណ្ឌលគិរី​។​

​ក្រុមហ៊ុន​ដែល​បាន​ចូលក្នុង​ប្រទេស​នេះ​កាលពី​មួយ​ទសវត្សរ៍​មុន​ ​បាន​ចំណាយពេល​ ​៥​ ​ឆ្នាំ​ដើម្បី​រុករក​គម្រោង​ប្រេង​និង​ឧស្ម័ន​នៅ​ឈូងសមុទ្រ​។​

​លោក​ ​Paul​ ​Dau​ ​បាន​មានប្រសាសន៍​ថា​ ​”​វា​គឺជា​ពេលវេលា​ដ៏​រំភើប​។​ ​អ្នកទទួល​បាន​គ​ម្រោ​ង​ធំៗ​នៅ​កម្ពុជា​ ​ដែល​ត្រៀមខ្លួន​រួចជាស្រេច​ក្នុង​ការ​ឈាន​ដល់​ដំណាក់កាល​ផលិតកម្ម​ ​ក្នុងរយៈពេល​ប៉ុន្មាន​ឆ្នាំខាងមុខ​ ​ដែល​នឹង​ជំរុញ​ឲ្យ​មាន​ចំណូល​ពន្ធ​ ​និង​ការនាំចេញ​”​ ​។​

​”​ចំពោះ​វិស័យ​ធនធាន​ធម្មជាតិ​ ​វា​គឺជា​ពេលវេលា​ដ៏​រំភើប​។​ ​វា​ជា​ដំណើរ​ដ៏​វែងឆ្ងាយ​ ​ប៉ុន្តែ​ប្រទេស​កម្ពុជា​ឥឡូវនេះ​ ​បាន​ក្លាយជា​ប្រទេស​រ៉ែ​ ​មួយ​ ​”​ ៕

ប្រភព ៖ khmertimes