តារាកំប្លែងសហរដ្ឋអាមេរិកដ៏ល្បី Robin Williams បានធ្វើអត្តឃាត ដោយចងកនឹងខ្សែក្រវ៉ាត់
ការិយាល័យ ពិនិត្យសាកសព The Marin County Coroner បាននិយាយថា៖ ការរកឃើញដំបូងចំពោះការស្លាប់របស់ Robin Williams បានបង្ហាញថា គាត់បានធ្វើអត្តឃាត ដោយចងក នៅចន្លោះម៉ោង ១០:30 នាទី យប់ថ្ងៃអាទិត្យ និង ១១: ៤៥ នាទី ព្រឹកថ្ងៃច័ន្ទ។
អ្នកតំណាងអ្នកវិភាគសាកសព Keith Boyd បានប្រាប់អ្នកយកការណ៏ថា ការស្លាប់ របស់ Williams ត្រូវបានប្រទះឃើញដោយជំនួយការផ្ទាល់ខ្លួនរបស់គាត់។
អ្នកតំណាងអ្នកវិភាគសាកសព Keith Boyd បានរៀបរាប់ថា៖ នៅពេលនោះជំនួយការ ផ្ទាល់ខ្លួនរបស់គាត់ បានដើរទៅកាន់បន្ទប់គេងរបស់ Williams ហើយក៏បានចូលទៅខាងក្នុង ដើម្បីរកគាត់ បន្ទាប់មកក៏បានឃើញ Williams អង្គុយនៅស្ងៀម មិនឆ្លើយតប និងមាន ខ្សែក្រវ៉ាត់ចងយ៉ាងជាប់នៅនឹងករបស់គាត់ ដោយចុងខ្សែក្រវ៉ាត់ ត្រូវបានសៀតរវាង ទ្វារទូខោអាវ និងគ្រោងទ្វារបន្ទប់។
ពេញមួយថ្ងៃ អ្នកជិតខាងបានយកផ្កា និងលិខិតខ្លីៗជាច្រើន មកដាក់នៅមុខផ្ទះ របស់ Williams ដែលស្ថិតនៅភាគខាងជើង នៃរដ្ឋ California។ Maria Nedir បាននិយាយថា៖ នាងពិតជាមាន មោទនភាពណាស់ដែលមាន Williams ធ្វើជាអ្នកជិតខាងរបស់នាង។ នាងក៏បានបន្ត ទៀតថា៖ គាត់គ្រាន់តែជាបុរសធម្មតាម្នាក់ និងមានចិត្តល្អចំពោះក្មេងៗ និងម្តាយដែលនៅទីនេះ គាត់មិនបានវាយឬកជាតារាទេ។
តារាដែលទទួលបានពានរង្វាន់ Oscar Williams កាលពីពេលថ្មីៗនេះ បានទទួល ការព្យាបាលជំងឺទុក្ខព្រួយ។ គាត់មានអាយុ ៦៣ឆ្នាំ។
-អាន ៖ តារាសំដែង និងកំប្លែង Robin Williams បានធ្វើអត្តឃាតខ្លួនឯង
ប្រែសំរួលដោយ៖ មុន្នី
ប្រភព៖ news
- តារាសំដែង និងកំប្លែង Robin Williams បានធ្វើអត្តឃាតខ្លួនឯង (12/08/2014 15:24:00)
តារា ដែលមើលច្រើន
