CamNews

​​តុលាការខេត្ត​សៀមរាប​កាលពី​ម្សិលមិញ​ ​បាន​ចោទប្រកាន់​បុរស​ម្នាក់​ ​ពី​បទ​កាប់សម្លាប់​ស្ត្រី​ពីរ​នាក់​ដែល​ត្រូវជា​បងប្អូន​នឹងគ្នា​ ​បណ្ដាលឲ្យ​ស្លាប់​ដោយ​ប្រើ​កាំបិតបុ័ងតោ​​ក្នុង​ជម្លោះដីធ្លី​ ​ក្នុង​ស្រុក​សូត្រ​និគម​។​​

ហេតុការណ៍​នេះ​បាន​កើតឡើង​នៅ​វេលា​ម៉ោង​ ​៥​ ​និង​ ​៣០​ ​នាទី​រសៀល​កាលពី​ថ្ងៃសៅរ៍​ ​នៅ​ភូមិ​ដំរី​កូន​ ​ឃុំ​ពពេល​ ​ក្នុង​ស្រុក​សូត្រ​និគម​។​

​លោក​វរសេនីយ៍ឯក​ ​ដួង​ ​សុខា​ ​ប្រធាន​នាយកដ្ឋាន​ឧក្រិដ្ឋ​កម្ម​ខេត្ត​ ​បាន​កំណត់​អត្តសញ្ញាណ​ជនជាប់ចោទ​ឈ្មោះ​ ​វ៉ូ​ ​វន​​អាយុ​ ​៤៣​ ​ឆ្នាំ​រស់នៅ​ក្នុង​ភូមិ​ឃុំ​ខាងលើ​។​

​ជនរងគ្រោះ​គឺជា​បងប្អូន​ស្រី​បង្កើត២នាក់​ដែល​មាន​ឈ្មោះ​ ​វ៉ូ​ ​ឃឹម​ ​អាយុ​ ​៤៩​ ​ឆ្នាំ​ ​និង​ ​ឈ្មោះ​ ​វ៉ូ​ ​ឃុត​ ​អាយុ​ ​៤២​ ​ឆ្នាំ​ ​អ្នក​ទាំងពីរ​ជា​កសិករ​ ​ដែល​រស់នៅ​ជិត​ ​ជនសង្ស័យ​ឈ្មោះ​ ​វ៉ូ​ ​វន​។​

​លោក​ ​សុខា​ ​បាន​និយាយ​ថា​ជនជាប់ចោទ​ត្រូវ​បាន​ចោទប្រកាន់​ពី​បទ​ឃាតកម្ម​ដោយចេតនា​ ​ហើយ​ប្រឈមមុខនឹង​ការ​ជាប់ពន្ធ​នា​គារ​រហូតដល់​ ​១៥​ ​ឆ្នាំ​ប្រសិនបើ​ត្រូវ​បាន​ផ្តន្ទា​ទោស​។​ ​គាត់​ត្រូវ​បាន​ចាប់ខ្លួន​កាលពី​ថ្ងៃសៅរ៍​ ​ហើយ​ពេលនេះ​កំពុង​ស្ថិតនៅ​ក្នុង​មន្ទីរ​ឃុំឃាំង​រង់ចាំ​ការ​កាត់ក្តី​។​

​លោក​ ​កែវ​ ​សា​រឿន​ ​មន្ត្រី​នគរបាល​ព្រហ្មទណ្ឌ​ស្រុក​ ​បាន​និយាយ​កាលពី​ម្សិលមិញ​ថា​ ​យោង​តាម​ការស៊ើបអង្កេត​របស់​នគរបាល​ ​និង​របាយការណ៍​របស់​អ្នកជិតខាង​ ​លោក​ ​វន​ ​នៅ​ម៉ោង​ប្រហែល​ ​៥​ ​ល្ងាច​ថ្ងៃសៅរ៍​ ​បាន​ចាប់ផ្តើម​ជីកដី​របស់​ ​ឈ្មោះ​ ​ឃឹម​ ​ដើម្បី​សង់​បន្ទប់ទឹក​សម្រាប់​គ្រួសារ​របស់​គាត់​។​ ​

​ពេលនោះ​ ​អ្នកស្រី​ ​ឃឹម​ ​បាន​ចេញពី​ក្នុង​ផ្ទះ​ ​ហើយ​ប្រាប់​លោក​ ​វន​ ​អោយ​បញ្ឈប់​ប៉ុន្តែ​លោក​ ​វន​ ​មិន​អើពើ​ ​ហើយ​អះអាង​ថា​គាត់​ជា​ម្ចាស់ដី​នោះ​។​ ​ជនជាប់ចោទ​បាន​អះអាង​ថា​ ​ម្តាយ​គាត់​បាន​ចែក​ដី​អោយ​គាត់​មុន​ពេល​ស្លាប់​នៅក្នុង​ឆ្នាំ​ ​២០១៣​ ​និង​បាន​ចោទប្រកាន់​បងស្រី​របស់​គាត់​ថា​បាន​ចាប់​យក​។​

​លោក​ ​សា​រឿន​បានឱ្យ​ដឹង​ថា​ ​ក្នុង​កំឡុង​ពេល​អ្នក​ទាំងពីរ​បាន​ឈ្លោះប្រកែក​គ្នា​ ​លោកស្រី​ ​ឃឹម​ ​បាន​ដាក់​បណ្តាសា​ ​លោក​ ​វន​។​ ​គាត់​ខឹង​នឹង​លោកស្រី​ ​ឃឹម​ ​ដែល​មិន​ឲ្យ​គាត់​ជីកដី​ ​ហើយ​ប្រមាថ​គាត់​ទៀត​ ​គាត់​បាន​យក​កាំបិតបុ័ងតោ​ ​កាប់​ទៅលើ​នាង​ជាច្រើន​កាំបិត​ ​ហើយ​គាត់​បាន​ស្លាប់​ដោយសារ​របួស​ធ្ងន់ធ្ងរ​នៅ​លើ​ថ្គាម​ ​និង​ក​”​ ​។​ ​

​អ្នកស្រី​ ​ឃុត​ ​ដែល​ជា​ប្អូន​ ​ឃើញ​បងប្រុស​ ​កាប់​បងស្រី​ ​ក៏បាន​ស្រែក​ឲ្យ​គេ​ជួយ​។​ ​លោក​ ​វន​ ​បាន​រត់​ទៅ​ដេញ​កាប់​ ​លោកស្រី​ ​ឃុត​ ​ទៀត​នៅពេល​នាង​កំពង់​រត់​ភៀសខ្លួន​ទៅ​វាលស្រែ​ ​ហើយ​បាន​កាប់​នាង​ជាច្រើន​កាំបិត​ ​នៅ​លើ​ថ្គាម​ខាងឆ្វេង​ ​ត្រចៀក​ខាងស្តាំ​ ​និង​បំពង់ក​ ​ហើយ​នាង​បាន​ស្លាប់​ចម្ងាយ​ប្រហែល​ ​៥០​ ​ម៉ែត្រ​ពី​ផ្ទះ​របស់​នាង​​។​

​លោក​បាន​មានប្រសាសន៍​ថា​បន្ទាប់ពី​បាន​សម្លាប់​ជនរងគ្រោះ​ទាំងពីរ​នាក់​ ​លោក​ ​វន​ ​បាន​រត់​ភៀសខ្លួន​ពី​កន្លែង​កើតហេតុ​ ​ប៉ុន្តែ​ត្រូវ​បាន​ប៉ូលិស​ចាប់ខ្លួន​នៅ​ម៉ោង​ប្រហែល​ ​៦​:​៣០​ ​ល្ងាច​ថ្ងៃ​ដដែល​។​ ​បន្ទាប់ពី​ការ​ចាប់​ខ្លួ​នប៉ូ​លីស​ ​រឹបអូស​យក​កាំបិតបុ័ងតោ​ពី​គាត់​ ៕​

ប្រភព ៖ khmertimes