ជា លាងឈែ កំពុងត្រូវប៉ាន់ខ្លាំងក្នុងតំណែងតួឯក ក្នុងខ្សែភាពយន្តខ្នាតធំៗ ខណៈអាជីវកម្មក៏ដំណើរការរលូន
ភ្នំពេញ ៖ តារាសម្ដែងរូបសង្ហា ជា លាងឈែ ថ្មីៗនេះកំពុងតែទទួលបានការគ្រាំទ្រយ៉ាងខ្លាំងពីសំណាក់អ្នកគាំទ្រ ដែលលោកអ្នកធ្លាប់បានស្គាល់តារារូបនេះរួចមកហើយតាមរយៈការសម្ដែងរបស់លោក ក្នុងខ្សែភាពយន្ត ដែលចាក់បញ្ចាំងតាមកញ្ចក់ទូរទស្សន៍នានា ព្រមទាំង MV បទចម្រៀងជាច្រើនទៀត ។
ថ្មីៗនេះ លោកជា លាងឈែ ទទួលបានការចាប់អារម្មណ៍យ៉ាងខ្លាំងពីសំណាក់មហាជនតាមរយៈខ្សែភាពយន្តបែបមនោសញ្ចេតនា និងស្នេហាត្រីកោណ ដែលចាក់បញ្ចាំង នៅលើកញ្ចក់ទូរទស្សន៍ Bayon ក្នុងរឿង “រវាងយើង’ ។ កាន់តែពិសេសជាងនេះទៅទៀត តារារូបសង្ហាភ្នែកតឹងរូបនេះ ទើបតែបញ្ចប់ការថតភាពយន្តខ្នាតធំរបស់ផលិតកម្ម Town Production ក្នុងដំណែងជាតួឯក ដែលត្រៀមនឹងចាក់បញ្ចាំងក្នុងពេលឆាប់ៗខាងមុខនេះ តាមបណ្តារោងកុនល្បីៗក្នុងប្រទេសកម្ពុជា។
លាងឈែ មានអាយុ ២៩ឆ្នាំ និងជាតារាសម្ដែងមួយរូប ដែលទទួលបានការសិក្សាជ្រៅជ្រះ មិនចាញ់តារាដទៃទៀតនោះទេ ដែលលោក បានបញ្ចប់ការសិក្សាកម្រិតបរិញ្ញាបត្រ នៅសាកលវិទ្យាល័យភូមិមិន្ទភ្នំពេញ។
ក្រៅពីអាជីពសិល្បៈ លាងឈែ ជាប៉ូលីសនមួយរូប ស្ថិតនៅក្របខណ្ឌក្រសួងមហាផ្ទៃ។ អ្វីដែលពិសេសជាងនេះទៅទៀត សព្វថ្ងៃ ក្រៅពីអាជីពជាតារាសម្ដែង លោកក៏មានអាជីវកម្មផ្ទាល់ខ្លួន ដែលទទួលបានការគ្រាំទ្រពីអ្នកគាំទ្រ ផងដែរ។ លោកជាម្ចាស់ Brand កាហ្វេ ‘ត្នោតខ្មែរ’ និងហាងលក់សម្លៀកបំពាក់បុរស ក្រោមស្លាកយីហោ ‘P ink Printing’ ហើយហាងរបស់លោកទាំងពីរ ដំណើរការយ៉ាងរលូនគួរកោតសរសើរ ។
ជឿថា ប្រិយមិត្ដដែលនិយមគាំទ្រលោក ពិតជាជក់ចិត្ដដិតអារម្មណ៍មិនខាន ក្នុងកាយវិការដ៏មាំទាំ ម៉ឺងម៉ាត់របស់លោក ដែលសម្ដែងជាតួឯក ក្នុងខ្សែភាពយន្ដដ៏ពេញនិយមក្រោមចំណងជើងថា “រវាងយើង” ។ បើអីចឹងមែននោះ តោះនាំគ្នាគាំទ្រ លោកទាំងអស់គ្នា ៕
អត្ថបទ៖ ចំរើន
តារា ដែលមើលច្រើន
