លោក Harry Styles និងនាង Kendall Jenner លួចណាត់ជួបគ្នាស្ងាត់ៗ បង្កាត់ភ្លើងស្នេហ៍ឡើងវិញ
(អាមេរិក)៖ Harry Styles និង Kendall Jenner ត្រូវបានក្រុមប្រម៉ាញ់ព័ត៌មាន សង្កេតឃើញថា អ្នកទាំងពីរ កំពុងបង្កាត់ភ្លើងស្នេហ៍ឡើងវិញ បន្ទាប់ពីពួកគេ មានការណាត់ជួបគ្នាទទួលទានអាហារ ពេលល្ងាច ដ៏រ៉ូមែនទិកនៅឯ Ysabel នាទីក្រុង Los Angeles កាលពីសប្តាហ៍មុន។
អ្វីដែលមិនអាចគេចផុត ពីក្រសែភ្នែកមហាជន គឺ Kendall Jenner ត្រូវបានគេមើលឃើញថា នាងពិតជារំភើប និងសប្បាយចិត្តខ្លាំងណាស់ ខណៈដែលមានពេលវេលា ដ៏រ៉ូមែនទិកជាមួយអតីតសង្សារ ហើយនាងពិតជាយកចិត្តទុកដាក់ ចំពោះ Harry យ៉ាងខ្លាំង ដែលអ្នកគាំទ្រ តារាសម្តែងទាំងពីរ សង្ឃឹមថា រងើកភ្លើងស្នេហ៍ចាស់ ពិតជាកំពុងផ្តើមឡើងវិញហើយ។
ប៉ុន្តែទោះជាយ៉ាងណា គូស្នេហ៍វ័យ២០ឆ្នាំទាំងពីរនេះ ពុំបានចេញមុខបកស្រាយអ្វី ដែលជាចម្ងល់របស់មហាជន កំពុងចង់ដឹងឡើយ ហើយមើលទៅហាក់ដូចជា មិនចង់ឲ្យនរណាដឹងថា ពួកគេកំពុងធ្វើអ្វីជាមួយគ្នាដែរ ប៉ុន្តែមហាជនរំពឹងថា នឹងមានការបញ្ជាក់ច្បាស់ ពីអ្នកទាំងពីរនៅថ្ងៃណាមួយ ជាមិនខាន៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
