លោក ប៉ាវ ស៊ីណា សុំអន្តរាគមន៍ ពីក្រសួងមហាផ្ទៃ ស៊ើបអង្កេត ក្នុងករណី គំរាមសម្លាប់
ភ្នំពេញ ៖ ក្រោយការគំរាមសម្លាប់ កាលពីថ្ងៃទី១៦ ខែកុម្ភៈ ឆ្នាំ២០១៥ កន្លងទៅនេះ លោក ប៉ាវ ស៊ីណា ប្រធានសម្ព័ន្ធ សហជីពចលនាកម្មករ បានដាក់លិខិតសុំអន្តរាគមន៍ ពីលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បើក ការស៊ើបអង្កេតក្នុងករណីនេះ ។
នៅក្នុងលិខិតផ្ញើទៅក្រសួងមហាផ្ទៃ ចុះថ្ងៃទី២៣ ខែកុម្ភៈ ឆ្នាំ២០១៥ ដែលមជ្ឈមណ្ឌលព័ត៌មានដើមអម្ពិលទទួលបាន នៅព្រឹកថ្ងៃព្រហស្បតិ៍ ទី២៦ ខែកុម្ភ នេះ លោក ប៉ាវ ស៊ីណា បានស្នើឲ្យក្រសួង បើកការស៊ើបអង្កេតចំពោះលោក សា លីម ជនជាតិចិន មានតួនាទីផ្នែកគ្រប់គ្រងរដ្ឋបាល នៅក្រុមហ៊ុន Beautiful Window (Cambodia) មានទីតាំង ស្ថិត ក្នុងតំបន់សេដ្ឋកិច្ចពិសេស សានតុង ភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តសៀមរាប ។
លោក ប៉ាវ ស៊ីណា បញ្ជាក់ថា លោក សា លីម បានប្រាប់ទៅមន្ត្រីសហជីព៣រូប របស់លោកថា ថៅកែ រោងចក្រមួយ ចំនួន នៅក្នុងតំបន់សេដ្ឋកិច្ចពិសេស មេតហាធេន ក្រុងបាវិត បានរៃលុយគ្នាជួលមនុស្ស សម្លាប់មេសហជីព របស់ពួក លោក គឺ ប៉ាវ ស៊ីណា ។
ថ្លែងប្រាប់មជ្ឈមណ្ឌលព័ត៌មានដើមអម្ពិល លោក ខៀវ សុភ័គ អ្នកនាំពាក្យក្រសួងមហាផ្ទៃ នៅមិនទាន់ទទួលបាន លិខិតអន្តរាគមន៍ ពីលោក ប៉ាវ ស៊ីណា នៅឡើយទេ ។ តែលោក ខៀវ សុភ័គ បាន ប្រកាសស្វាគមន៍ ចំពោះលិខិត អន្តរាគមន៍ និងបើកការស៊ើបអង្កេតលើសំណុំរឿងនេះ ។
លោក ប៉ាវ ស៊ីណា ត្រូវបានគេស្គាល់ថា ជាប្រធានសហជីពមួយរូប ក្នុងចំណោមប្រធានសហជីព ទាំងប្រាំបី ដែលតែង តែធ្វើសកម្មភាពតវ៉ា ដើម្បីប្រយោជន៍កម្មករ ៕
ផ្ដល់សិទ្ធដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)