CamNews

ភ្នំពេញៈ កម្លាំងនគរបាលខណ្ឌសែនសុខ បញ្ចេញ ប្រតិបត្តិការពេញមួយយប់ រហូតដល់ព្រឹក
ថ្ងៃពុធ ទី១៩ ខែធ្នូ ដោយចាប់បានជនសង្ស័យ១២នាក់ បន្តបន្ទាប់ ពាក់ព័ន្ធការប្លន់ជាច្រើនករណី
នាពេលកន្លងមកនៅ ក្នុងទឹក ដីរបស់ខ្លួន។

យោងតាមមន្រ្តីនគរបាលខណ្ឌសែនសុខ បានប្រាប់មជ្ឈមណ្ឌលព័ត៌មានដើមអម្ពិលឲ្យដឹងថា
ប្រតិបត្តិការឃាត់ ខ្លួនជនសង្ស័យខាងលើនេះ ដោយសារតែពួកគេជាប់សង្ស័យពាក់ព័ន្ធករណី
បាញ់សម្លាប់ប្លន់យកម៉ូតូមួយគ្រឿង កាលពីយប់ ថ្ងៃទី៩ ខែធ្នូ ឆ្នាំ២០១២ នៅសង្កាត់ភ្នំពេញថ្មី
ខណ្ឌសែនសុខ និងករណីប្លន់ផ្សេងៗទៀត នាពេលកន្លងមក។

មន្រ្តីនគរបាលដដែលនេះ បញ្ជាក់ថា ជនសង្ស័យដែលឃាត់ខ្លួនទាំង១២នាក់ខាងលើនេះ ភាគ
ច្រើនរស់នៅក្នុង ភូមិត្រពាំងឈូក  ដែលល្បីថា ជាជម្រកថ្នាំញៀនរបស់ក្រុមក្មេងស្ទាវ សង្កាត់
ទឹកថ្លា ខណ្ឌសែនសុខ តែ៤នាក់រស់នៅក្នុងខណ្ឌទួលគោក។

ក្នុងប្រតិបត្តិការខាងលើនេះ កម្លាំងសមត្ថកិច្ចរឹបអូសបានកាំភ្លើងខ្លី១ដើម និងថ្នាំញៀនមួយចំនួន
ទៀតផងដែរ។ មេខ្លោងពាក់ព័ន្ធនឹងករណីប្លន់ ក៏ដូចជាជួញដូរគ្រឿងញៀនដែរនោះ ត្រូវបាន
សមត្ថកិច្ចបង្ហាញអត្តសញ្ញាណឲ្យដឹងថា ឈ្មោះ ហែម រដ្ឋា និងម្នាក់ទៀត ឈ្មោះ វីន។

សូមបញ្ជាក់ថា កាលពីវេលាម៉ោង១២ និង១៥នាទី យប់រំលងអាធ្រាត្រ ឈានចូលថ្ងៃទី៩ ខែធ្នូ
លោក សុខ រស្មី ត្រូវក្រុមចោរប្លន់យកម៉ូតូ និងបាញ់ចំនួន២គ្រាប់ បណ្តាលឲ្យស្លាប់បាត់បង់ជីវិត
នៅមុខផ្ទះលេខ១៦៨ ផ្លូវ២៨ គ្រួសារ សង្កាត់ភ្នំពេញថ្មី ខណ្ឌសែនសុខ ។

លោក សុខ រស្មី ដែលស្លាប់បាត់បង់ជីវិតក្នុងអំពើប្លន់នេះ មានអាយុ ៣២ឆ្នាំ ជាអ្នកបើករថយន្ត
ឲ្យក្រុមហ៊ុនឯក ជនមួយ មានភរិយាឈ្មោះ យុទ្ឋ ថាវី រស់នៅភូមិក្រាំងអង្រ្កង២ សង្កាត់ក្រាំងធ្នុង
ខណ្ឌពោធិ៍សែនជ័យ និងមានកូន តូចៗ២នាក់ ប្រុស១ ស្រី១ ក្នុងបន្ទុក ។

ស្រ្តីជាភរិយា បានប្រាប់សមត្ថកិច្ចទាំងទឹកភ្នែកហូររហាម ដោយក្តីអាលោះអាល័យ និងឈឺចាប់
ជាទីបំផុតថា ម៉ូតូ របស់ប្តីដែលត្រូវក្រុមចោរ ប្លន់យកទៅនោះ ម៉ាកសេ១២៥ ស៊េរី២០១០ ពណ៌
ខ្មៅ ពាក់ស្លាកលេខភ្នំពេញ 1P-6933៕

ដោយ៖ ដើមអំពិល
ផ្តល់សិទ្ធិដោយ៖ ដើមអំពិល