CamNews

អគ្គនាយកនៃរោងភាពយន្ដ លេជេន លោក ស៊ុង តេ បានថ្លែងថា រោងភាពយន្ដបានបញ្ចាំង
ខ្សែភាពយន្ដខ្សែចំនួនត្រឹមតែ ៦រឿងប៉ុណ្ណោះ ក្នុងចំណោម ខ្សែភាពយន្ដទាំង ១០៤រឿងដែល
ត្រូវបានបញ្ចាំង ចាប់ពីរោងភាពយន្ដនេះ ដំណើរការ។

លោក ស៊ុង តេ​ អគ្គនាយកនៃរោងភាពយន្ដ លេជេន

កាលពីព្រឹកមិញនេះ​ នៅក្នុងផ្សារទំនើប​ស៊ីធីម៉ល រោងភាពយន្ដ លេជេន ត្រូវបានគេប្រកាស
បើកសម្ពោធឱ្យប្រើប្រាស់នូវប្រព័ន្ធបច្ចេកវិទ្យាថ្មី ដែលត្រូវបានហៅថា​ Legend 2.0 ។ លោក
ស៊ុង តេ អគ្គនាយកនៃរោងភាពយន្ដ លេជេន មានប្រសាសន៍​នៅក្នុងកិច្ចសម្ភាសមួយជាមួយ
ក្រុមអ្នកសារព័ត៌មាន ថា ប្រព័ន្ធថ្មីនេះ រួមមាន ប្រព័ន្ធភ្លើង សម្លេង និងប្រព័ន្ធ 3D ដែលទាំង
នេះនឹងអនុញ្ញ ឱ្យទស្សនិកជន ទទួលបានបទពិសោធថ្មី និងអស្ចារ្យជាងមុន។

ជាមួយគ្នានេះដែរ នៅពេលត្រូវបានសួរពីការបញ្ចាំងខ្សែភាពយន្ដខ្មែរ អគ្គនាយក រោងភាព
យន្ដ​ លេជេន ថ្លែងថា មកដល់ពេលនេះ រោងភាពយន្ដបានបញ្ចាំងខ្សែភាពយន្ដសរុប ១០៤
រឿង ដែលក្នុងនោះខ្សែភាពយន្ដខ្មែរ មានត្រឹមតែ ៦រឿងប៉ុណ្ណោះ។ លោកបន្ដថា វិស័យខ្សែ
ភាពយន្ដ​ខ្មែរ​ បច្ចុប្បន្នកំពុងមានការរីកចម្រើន ប៉ុន្ដែក៏នៅមានការខ្វះខាតច្រើនផងដែរ ទោះ
យ៉ាងណាក៏ដោយ លោក ថ្លែងថា លោកនឹងខិតខំគាំទ្រដល់ខ្សែភាពយន្ដខ្មែរបន្ដទៀត​ ព្រោះ
ថា រោងកុនគឺជាកន្លែងមួយមិនត្រឹមតែជាទីកម្សាន្ដនោះទេ វាគឺជាកន្លែងផ្សព្វផ្សាយនូវ​វប្បធម៌
ផងដែរ។

ទស្សនិកជនជាច្រើន កំពុងរង់ចាំទិញសំបុត្រ ចូលទស្សនាភាពយន្ដ

សូមរំលឹកថា រោងភាពយន្ដ លេជេន ត្រូវបានចាប់ដំណើរការតាំងពីថ្ងៃទី ៧ កក្កដា ឆ្នាំ ២០១១
មកដល់ពេលនេះ រោងភាពយន្ដ ទទួលបានការគាំទ្រយ៉ាងខ្លាំងពីទស្សនិកជន។ គិតជា​មធ្យម
ក្នុងមួយឆ្នាំ លេជេន លក់សំបុតកុន បាន ២ម៉ឺនសំបុត្រ ហើយវាមានការកើនឡើង ប្រហែល
១៥% ក្នុងមួយឆ្នាំ។

រោងភាពយន្ដ លេជេន កំពុងទទួលបានការគាំទ្រច្រើនពីសំណាក់ទស្សនិកជន

ទោះយ៉ាងណាក៏ដោយ ខ្សែភាពយន្ដខ្មែរ នៅមិនទាន់មានការពេញនិយម​ច្រើននៅឡើយ ពី
សំណាក់ប្រជាជនខ្មែរ។ ប្រការនេះ បណ្ដាលមកពីកត្តាជាច្រើន ក្នុងនោះមានកត្តាសំខាន់ មួយ
ដូចជា ការវាយលុករបស់ខ្សែភាពយន្ដបរទេស និងកង្វះខាតនៃគុណភាពខ្សែភាពយន្ដខ្មែរជា
ដើម៕

ដោយ ៖ សីហា